Un Buki pa Hobennan

Un studiante di e universidad na Arkhangelsk a skirbi un carta pa e oficina di sucursal di Testigonan di Yehova na Rusia. El a splica cu el haya un revista publica door di Testigonan serca un persona riba caya. “E revista a pone mi pensa riba bida y loke mi sa tocante Dios y religion”, el a skirbi. “Awor mi ta desea di studia Bijbel. Mi kier siña mas tocante e persona kende, sin conoce ningun di nos, a duna su bida pa nos picanan y pa nos haya salbacion.”

E carta ta sigui bisa: “Boso ta haciendo un trabou realmente necesario, principalmente door di splica muchanan e diferencia entre bon y malo. Al fin y al cabo, nan ta manera spons cu ta absorba tur loke tin rond di nan, anto caba ta haci cambio pa nan ta manera e otro muchanan.” E studiante tin un ruman homber y un ruman mohe mas chikito cu ne, y a pidi un ehemplar di e buki Loke hovenan sa puntra—Contesta práctica. El a bisa: “Mi ta spera cu e buki aki lo yuda nan na scol y den nan bida en general.”

Abo tambe por haya un ehemplar di e buki aki, cu ta specialmente pa yuda hobennan trata cu problemanan cu nan ta enfrenta. Djis yena e cupon aki bou y mand’e na e adres riba e cupon of na un adres mas cumbiniente menciona na pagina 5 di e revista aki.

□ Lo mi tin gana di haya un ehemplar di e buki Loke hovenan sa puntra—Contesta práctica. Indica cua idioma.

□ Por fabor, tuma contacto cu mi pa un studio di Bijbel gratis na cas.