‘El A Kita Mi Dudanan Tocante e Nomber di Dios’

Un homber di abla Spaño di San Diego, California, a uza e palabranan cita ariba, den un carta cu el a skirbi e oficina di sucursal di Testigo di Yehova na Merca. El a splica: “Aunke mi no ta miembro di boso organisacion, mi ta gusta lesa boso literatura. Mi ta skirbi e carta aki pa felicita boso. Tres dia pasa mi bista a cai riba un foyeto cu tawata benta den co’i sushi. Mi a coh’e aunke e tawata muha. Su titulo ta E nomber divino cu lo permanece pa semper. Despues cu mi a sec’e, mi a analis’e cuidadosamente.

Nunca prome un publicacion no a fasina mi asina tanto. Mi ta kere cu ningun caminda na mundo no tin algo manera e foyeto aki. El a kita tur mi dudanan tocante e nomber di Dios. Ya mi a cuminsa uza e ehemplar daña aki pa siña mi amigonan religioso, tocante e nomber di Dios. Mi ta puntra nan: ‘Con ta Dios su nomber?’ Pero nan no por contesta mi! E ora ei mi ta mustra nan e foyeto. Por fabor, manda pa mi tres ehemplar nobo na Spaño.”

Bo por manda pidi un ehemplar di e foyeto di 32 pagina E nomber divino cu lo permanece pa semper door di yena e cupon akibou y mand’e na e adres riba e cupon of na un adres mas cumbiniente menciona na pagina 5 di e revista aki.

□ Sin ningun obligacion, mi ta pidi pa manda pa mi un ehemplar di e foyeto E nomber divino cu lo permanece pa semper.

□ Por fabor, tuma contacto cu mi pa un studio di Bijbel gratis na cas.