Bo Sa e Contesta?
(Bo por haya e contestanan di e quiz aki den e textonan di Bijbel menciona, y na pagina 18 tin e lista di tur contesta. Pa mas informacion, wak den e publicacion “Perspicasia pa Compronde e Scritura”, publica door di Testigonan di Yehova.)
1. Kico Abraham a cumpra for di e yiunan di Het pa 400 ciclo di plata? (Genesis 23:16-20)
2. Kico tawata e cosnan envolvi den e dos señalnan cu Gideon a pidi pa sirbi como prueba cu Dios a apoy’e den su lucha contra e Madianitanan? (Huesnan 6:36-40)
3. Kico a atrae Acan asina tanto cu el a ignora e mandamento di Dios y causa e derota di e Israelitanan na Ai? (Hosue 7:21)
4. Despues cu Dios a crea un esposa pa Adam, kico el a decreta cu parehanan casa lo a bira djei padilanti? (Genesis 2:24)
5. Ki practicanan spiritista ta ser condena den Bijbel? (Deuteronomio 18:10, 11)
6. Ora Rei Asuero a haci Ester reina, con el a celebra e echo ei? (Ester 2:18, NW)
7. Kico Hesus a profetisa cu su siguidonan lo a bira pa causa di su nomber? (Mateo 10:22)
8. Ken tawata e mohe Madianita cu Finehas (Finees) a mata ora Zimri a trec’e den e campamento di Israel pa tene relacion inmoral cu ne? (Numbernan 25:15)
9. Ken ta ser describi den Proverbionan capitulo 31? (Proverbionan 31:10, NW)
10. Cu ki palabra cada un di e tres seccionnan di Mikeas su declaracion contra Samaria y Herusalem ta cuminsa? (Mikeas 1:2; 3:1; 6:1)
11. Ken a laga mata Amnon, prome yiu di David, pero cu David a pordona despues? (2 Samuel 13:32, 33)
12. Pakico Mical, esposa di David, a “despreci’e den su curason”, loke a pone Mical muri sin haya yiu? (2 Samuel 6:14-16, 20-23)
13. Cu ki suseso Bijbel ta relaciona Armagedon? (Revelacion 16:14, 16)
14. Den Listra, na prome instante e multitudnan kier a haci un sacrificio pa Pablo; un poco despues nan kier a piedr’e. Con bin nan a cambia asina lihe? (Echonan 14:19)
15. Kico Pedro a haci den su esfuerso pa proteha Hesus for di e soldanan cu a bin arest’e? (Huan 18:10)
16. Den e di tres tentacion den e desierto, kico Diabel a purba pone Hesus haci? (Mateo 4:9)
17. Ki substancia ta ser menciona den Bijbel pa indica pica of contaminacion? (Mateo 16:6)
18. Segun Bijbel, e sabiduria di Salomon tawata superior na e sabiduria di cua otro hende? (1 Reinan 4:31)
Contestanan di e Quiz
1. Un luga pa dera su famia
2. Serena y un pida lana
3. “Un bunita mantel for di Sinar” hunto cu algun plata y oro
4. “Un carni”
5. Adivinacion, magia, pronostica cosnan, bruheria, plega hende, montamento, consulta spiritista, etcetera
6. El a tene un bankete grandi, a duna amnistia rond su teritorio, y tambe el a parti regalo
7. Obheto di odio
8. Cozbi, yiu mohe di Zur
9. “Un esposa capas”
10. “Tende”
11. Absalon, di tres yiu di David
12. E no tawata kier pa David mustra su goso door di ‘bula y balia dilanti di SEÑOR’
13. “E guera di e gran dia di Dios Todopoderoso”
14. Ta e Hudiunan cu a bini for di Antiokia y Iconio a combence nan pa haci esei
15. El a saca su spada y dal e esclabo Malco su horea drechi kita afo
16. Un acto di adoracion na dje
17. Zuurdeeg (yeast)
18. Etan, Heman, Calcol y Darda