Con pa Hala Mas Serca Dios

Hopi hende a recomenda otro pa lesa e buki Hala Serca Yehova. Un persona cu a les’e a skirbi: “Mi a caba di les’e, y nunca prome mi no a sinti mi asina conmovi. Danki pa tur e recordatorionan cu ta mustra ki un Tata amoroso, bondadoso, cariñoso y interesa den nos, Yehova realmente ta.”

Splicando con el a sinti, un otro persona a expresa su mes asin’aki: “E buki aki a duna mi un oportunidad pa siña conoce mi Tata mas intimamente, esta, su pensamentonan asombroso y su sintimentonan profundo di amor pa nos tur. Ta como si fuera bo tin un djamanta precioso, briyante y bunita den bo man. Y pocopoco bo ta drei e pa examina cada faseta—cada capitulo nobo ta asta mas bunita cu esun prome cu ne.”

Un otro señora a remarca: “Mi a caba di finalisa e buki Hala Serca Yehova. Ora mi a yega na e ultimo dos paragrafnan mi mester a stop varios bes pa haci oracion pasobra mi curason tawata yen di admiracion y amor. E buki a pone mi haya un aprecio hopi mas profundo pa Yehova!”

Nos ta kere cu abo tambe lo por sinti mescos si bo lesa e buki di 320 pagina aki. Pa bo haya un ehemplar, yena e cupon akibou y mand’e na e adres riba e cupon of na un adres mas cumbiniente menciona na pagina 5 di e revista aki.

[Komentario di e plachi na página 32]

□ Sin ningun obligacion, mi ta pidi un ehemplar di e buki Hala Serca Yehova.

□ Por fabor, tuma contacto cu mi pa un studio di Bijbel gratis na cas.