HAYA SA CON PA DEAL CU STRESS
Abo Tin Stress?
“Te na cierto grado tur hende tin stress, pero ami tin demasiado stress. Y no ta pa via di un problema grandi so sino debi na varios situacion, desafio y e echo cu mi mester a cuida mi esposo cu ta mentalmente y fisicamente malo pa añanan largo.”—Jill.a
“Mi esposa a bay laga mi y ami so mester a cria mi dos yiunan. Tabata duro pa lanta nan mi so. Anto pa colmo mi a perde mi trabou y mi no por a keur mi auto. Mi no tabata sa kico pa haci. Stress tabata caba cu mi. Mi tabata sa cu no ta bon pa mi mata mi mes, pesey mi a suplica Dios pa laga mi muri.”—Barry.
Mescos cu Jill y Barry, abo tambe sa sinti cu stress ta caba cu bo? Si ta asina, e siguiente articulonan por consola bo y yuda bo. Nan ta papia di cosnan cu por causa stress, ki efecto stress por tin riba nos y kico nos por haci pa haya un grado di alivio.
a A cambia algun nomber.