Con pa Vence Masturbacion

Masturbacion ta un bicio cu ta perhudica un hende su spiritualidad, pasobra e ta hacie egoista y ta corumpi su mente.a Cu tempo, esnan cu ta practic’e ta cuminsa mira otro ­hende puramente como obheto sexual, djis un medio pa satisface nan deseo. Pa nan, sex no tin nada di haber cu amor, y nan ta wak e djis como un funcion automatico di e curpa cu ta duna placer momentaneo y alivia tension sexual. Pero e ­alivio ey ta temporal. En realidad, en bes di masturbacion mata e inclinacionnan di e curpa ‘pa loke ta fornicacion, impureza y apetit sexual’ inapropia, e ta stimula nan.​—Colosensenan 3:5.

Apostel Pablo a skirbi: “Rumannan stima, laga nos limpia nos mes di tur impureza di carni y di spirito y, den temor di Dios, perfecciona nos santidad mas ainda.” (2 Corintionan 7:1) Si bo tin un lucha pa aplica e palabranan ey, no entrega. Jehova semper ta “cla pa pordona” y pa yuda bo. (Salmo 86:5; Lucas 11:​9-13) E echo cu bo ta sinti remordimento y ta haci esfuerso pa supera e bicio aki ta indica cu bo tin un bon ­actitud, a pesar cu de bes en cuando bo por bolbe cay den e ­bicio. Ademas, “corda cu Dios ta mas grandi cu nos curason y sa tur cos.” (1 Juan 3:20) Ora e ta wak nos, e no ta concentra riba nos picanan, sino riba henter nos personalidad. Como cu e sa tur cos di nos, e por scucha nos cu compasion ora nos ta rog’e sinceramente pa tene misericordia di nos. Pesey, sigui acudi na Dios den oracion sincero y humilde, manera un yiu cu ta bay cerca su tata ora e ta den problema. Jehova sigur lo bendiciona bo cu un consenshi limpi. (Salmo 51:​1-12, 17; Isaias 1:18) Pero ta claro cu bo tin cu actua na harmonia cu bo oracion y tuma e medidanan necesario. Por ehempel, lo bo tin cu haci bo best pa evita tur forma di pornografia y mal compania.b

Si bo so no por supera e problema cu bo tin cu masturbacion, papia e ora ey cu un di bo mayornan cristian of cu un ruman maduro di congregacion cu ta mustra interes personal den bo.c​—Proverbionan 1:​8, 9; 1 Tesalonicensenan 5:14; Tito 2:​3-5.