Informacion

REUNIONNAN SPECIAL

SIRBISHI DI BETEL Publicadornan batisa di 35 aña di edad bay abou cu ta interesa pa sirbi na Betel mester plania pa asisti diabierna merdia na e reunion pa rumannan cu kier aplica pa Betel. Lo anuncia e luga y ora di e reunion aki di antemano.

SCOL PA PREDICADOR DI REINO Pioneronan entre 23 y 65 aña di edad cu ta interesa pa amplia nan sirbishi ta ser invita pa asisti diadomingo merdia na e reunion pa rumannan cu ta desea di bay e Scol pa Predicador di Reino. Lo anuncia e luga y ora di e reunion aki di antemano.

INFORMACION

ASIENTO Por fabor, tene consideracion cu otro hende. Corda cu por warda asiento solamente pa famia pega y hende cu bin hunto cu bo den auto, pa esnan cu ta biba hunto cu bo of pa esnan cu bo ta studia cu ne. No laga obheto riba e stoelnan cu bo no ta bay uza, ya otro hende por mira cu nan no ta reserva.

BAUTISMO E asientonan reserva pa e candidatonan di bautismo lo ta dilanti di plataforma, a menos cu anuncia un otro caminda. Candidatonan pa bautismo mester ta sinta eynan prome cu e discurso di bautismo cuminsa riba diasabra. Cada candidato mester bin cu su mes serbete y un trahe di baño decente.

CONTRIBUCION A haci bastante gasto pa percura asiento adecuado, sistema di zonido, ekipo pa pasa video y hopi otro servicio, pa asina nos por tin un congreso agradabel cu ta yuda nos hala mas cerca Jehova. Bo contribucion boluntario ta yuda cubri e gastonan aki y tambe ta sostene e obra mundial. Varios caminda den e luga di reunion aki tin caha di contribucion cu bo por reconoce facilmente. Nos ta aprecia tur contribucion. Cuerpo Gobernante kier gradici bo pa e manera generoso cu bo ta apoya e interesnan di Reino.

COSNAN PERDI Y HAYA Mester hiba tur articulo haya na e Departamento di Cosnan Perdi y Haya. Si bo a perde algo, bay na e departamento aki y wak si bo ta hay’e. Mester hiba mucha cu a perde nan mayornan na e departamento aki. Pero e departamento aki no ta un crèche. Por fabor, wak bo yiunan bon y tene nan hunto cu bo.

E.H.B.O. Corda cu esaki ta pa casonan di EMERGENCIA SO.

SERVICIO DI BOLUNTARIO Si bo ta desea di yuda cu e trabounan na congreso, bo por meld na e Departamento di Informacion y Servicio di Boluntario.

USHER E ushernan t’ey pa yuda bo. Coopera cu nan y sigui nan instruccion relaciona cu parkeermento di auto, uzo di entrada y salida, wardamento di stoel, etcetera.