Con bo por beneficia di e lesnan di Bijbel cu tin den e foyeto aki?
Laga un persona yuda bo: Bo por sea pidi e persona cu a duna bo e foyeto aki un curso di Bijbel of bay na nos website jw.org y pidi un curso di Bijbel.
PROME PARTI
Lesa cada paragraf, incluso e preguntanan cu letter diki (A) y e textonan di Bijbel (B) cu ta enfatisa e puntonan principal. Lesa tur e textonan cu tin e palabra “lesa” nan dilanti.
DI DOS PARTI
E seccion Kico Mas Nos Por Siña? ta splica loke lo ser trata den cada les (C). E subtemanan (D) ta mustra kico ta e puntonan principal. Lesa e textonan, contesta e preguntanan y wak e videonan (E).
Wak e plachinan bon y lesa descripcion di e plachinan (F) anto pensa con lo bo contesta e preguntanan bou di Loke Hende Sa Bisa (G).
ULTIMO PARTI
Na final di cada les, tin un Resumen y Repaso (H). Despues cu bo caba un les, yena e fecha cu bo a completa e les ey. Bou di Meta (I), lo bo haya sugerencia cu por yuda bo progresa mas ainda. Bou di Mas Informacion Interesante (J), bo ta haya mas informacion cu bo por lesa of wak.
Con bo por busca e textonan di Bijbel?
Un texto di Bijbel ta consisti di tres parti: nomber di e buki di Bijbel (A), capitulo (B) y versiculo (C). Por ehempel, Juan 17:3 ta referi na e buki cu tin den Bijbel cu yama Juan, capitulo 17 y versiculo 3.