LES 01

Con Bijbel Por Yuda Bo?

Edicion Imprimi

Mayoria di nos tin pregunta tocante bida, sufrimento, morto y futuro. Ademas, nos kier sa con pa trata cu situacion di tur dia, manera gana nos pan di cada dia y tin un bida di famia feliz. Hopi hende a ripara cu Bijbel ta yuda nan haya contesta pa pregunta importante di bida. Pero no esey so, nan a haya bon conseho den Bijbel cu ta yuda nan den nan bida di tur dia. Ken mas bo ta kere por beneficia di loke Bijbel ta bisa?

1. Kico ta algun pregunta cu Bijbel ta contesta?

Bijbel ta contesta pregunta importante. Por ehempel: Con bida a cuminsa aki riba Tera? Kico ta e proposito di bida? Dicon bon hende ta sufri? Kico ta pasa cu nos ora nos muri? Dicon tin asina tanto guera si tur hende ta desea paz na mundo? Kico lo pasa cu nos planeta den futuro? Bijbel ta anima nos pa busca contesta pa e preguntanan cu nos tin. Miyones di hende a keda satisfecho cu e contestanan cu nan a haya den Bijbel.

2. Con Bijbel por yuda nos tin un bida feliz?

Bijbel ta duna nos bon conseho. Por ehempel, e ta siña nos con nos por tin un famia realmente feliz. Ademas, Bijbel ta siña nos con pa trata cu stress y kico por yuda nos gusta nos trabou. Segun cu bo ta analisa e publicacion aki hunto cu e persona cu ta duna bo curso di Bijbel, lo bo haya sa loke Bijbel ta bisa tocante e topiconan ey y tocante hopi otro topico mas. Pues, nos ta spera cu esey lo convence bo cu “henter e Scritura [tur loke tin den Bijbel] ta ... probechoso.”—2 Timoteo 3:16.

E publicacion aki no ta reemplasa Bijbel. Mas bien, e ta anima bo pa wak pa bo mes kico Bijbel ta siña. Pesey, nos kier anima bo pa lesa e textonan di Bijbel cu tin den cada les y compara nan cu loke bo ta siñando.

KICO MAS NOS POR SIÑA?

Laga nos wak con Bijbel a yuda otro hende, con bo por disfruta di bo lesamento di Bijbel y dicon ta importante pa bo busca yudansa pa compronde Bijbel.

3. Bijbel por guia nos den nos bida

Bijbel ta manera un flashlight cu ta yuda nos mira unda nos ta bay. Bijbel ta yuda nos tuma bon decision den bida. Ademas, e ta yuda nos haya sa kico lo sosode den futuro.

Lesa Salmo 119:105. Despues, analisa e siguiente preguntanan:

Kico e escritor di e salmo aki tabata pensa di Bijbel?
Kico abo ta pensa di Bijbel?

Un homber ta cana canto di awa caminda tin yen di piedra ora ta birando scur y ta uza un flashlight pa wak unda e ta bay.

4. Bijbel tin contesta pa nos preguntanan

Un señora a haya sa cu Bijbel tin contesta pa e preguntanan cu e tabatin pa hopi aña. Pasa e VIDEO. Despues, analisa e siguiente preguntanan.

VIDEO: Nunka Pèrdè Speransa! (1:48)

Ki pregunta e señora den e video tabatin?
Con un curso di Bijbel a yuda e señora?

Bijbel ta bisa cu ta bon pa haci pregunta. Lesa Mateo 7:7. Awor, analisa e siguiente pregunta:

Ki pregunta abo tin cu bo kier pa Bijbel contesta?

5. Bo por disfruta di bo lesamento di Bijbel

Hopi hende ta gusta lesa Bijbel y nan ta mira con esey ta yuda nan. Pasa e VIDEO. Despues, analisa e siguiente preguntanan.

VIDEO: Lesamentu di Beibel (2:05)

Kico e hobennan den e video tabata pensa tocante lesamento?
Aunke nan no ta gusta lesa, dicon nan ta gusta lesa Bijbel si?

E instruccionnan cu tin den Bijbel ta consola nos y ta duna nos speransa. Lesa Romanonan 15:4. Awor, analisa e siguiente pregunta:

Bo kier haya sa con Bijbel por duna bo consuelo y speransa?

6. Nos por compronde Bijbel cu yudansa di otro hende

Hopi hende a bin ripara cu, fuera di lesa Bijbel riba nan mes, nan a saca beneficio ora nan a haya yudansa for di otro hende pa compronde Bijbel. Lesa Echonan 8:26-31. Despues, analisa e siguiente pregunta: