LES 02

Bijbel Ta Priminti un Futuro Maraviyoso

Edicion Imprimi

Awendia, hopi hende ta sinti nan tristo debi na e problemanan cu nan ta pasa aden. Ademas, nan problemanan ta duna nan stress y ta hasta causa nan dolor. Bo tambe a yega di sinti bo asina? Kisas bo ta sufri di un maleza of bo ta tristo pasobra un ser keri di bo a fayece. Podise bo ta puntra bo mes: Lo yega e dia cu cos lo bira mihor? E contesta cu Bijbel ta duna pa e pregunta ey lo laga bo keda satisfecho.

1. Ki speransa Bijbel ta duna nos pa futuro?

Bijbel ta splica dicon nos tin asina tanto problema. Ademas, e ta duna nos e bon noticia cu pronto tur e problemanan ey lo no existi mas. E promesanan cu tin den Bijbel ta duna nos un maraviyoso speransa pa futuro. (Lesa Jeremias 29:11, 12.) E promesanan cu nos ta haya den Bijbel ta yuda nos trata cu nos problemanan, ta yuda nos tin un actitud positivo y ta sigura nos cu nos lo ta feliz pa semper.

2. Kico Bijbel ta priminti pa futuro?

Bijbel ta bisa cu den futuro “lo no tin morto mas; ni tristeza ni sclamacion ni dolor.” (Lesa Revelacion 21:4.) Awe, hende ta sufri debi na, por ehempel, inhusticia, pobreza, maleza y morto. Den futuro, e cosnan ey lo no existi mas. Ademas, Bijbel ta priminti cu den futuro hende lo biba pa semper den Paradijs aki riba Tera.

3. Con bo por haya mas confianza den e promesanan cu tin den Bijbel?

Hopi hende ta spera cu situacion na mundo lo drecha un dia, pero nan no tin sigur cu esey lo sosode. Sinembargo, den caso di promesanan di Bijbel si no ta asina. Ora nos tuma tempo pa “analisa Scritura”, esta, studia Bijbel bon, nos lo por haya mas confianza den Bijbel. (Echonan 17:11) Segun cu bo ta studia Bijbel, lo bo mira pa bo mes si bo por confia loke Bijbel ta bisa tocante futuro.

KICO MAS NOS POR SIÑA?

Laga nos wak algun promesa cu nos ta haya den Bijbel tocante futuro y con e speransa cu Bijbel ta duna nos ta yuda hende awe.

Collage: Contraste entre e manera cu mundo ta den nos tempo y e manera cu Bijbel a priminti cu mundo lo ta den futuro. Akibou tin mas plachi asina.

4. Bijbel ta priminti cu hende lo biba pa semper den un mundo sin problema

Wak e siguiente promesanan cu nos ta haya den Bijbel. Cua di e promesanan aki bo tin masha gana di mira cumpli, y dicon?

Lesa e textonan cu tin tras di cada promesa y analisa e siguiente preguntanan:

Bo ta haya cu e textonan aki ta duna bo speransa? Bo ta kere cu e textonan aki por duna bo famia y bo amigonan speransa?

Imagina bo mes den un mundo caminda

NIUN HENDE LO NO . . .	TUR HENDE LO . . .
sinti dolor, bira bieu of muri.—Isaias 25:8.	mira nan sernan keri cu a muri ser resucita pa biba aki riba Tera.—Juan 5:28, 29.
ta malo ni incapacita.—Isaias 33:24; 35:5, 6.	ta bon di salud y yen di energia.—Job 33:25.
pasa den inhusticia.—Isaias 32:16, 17.	tin cuminda na abundancia, bon luga di biba y trabou cu ta duna nan goso.—Salmo 72:16; Isaias 65:21, 22.
sufri debi na guera.—Salmo 46:9.	disfruta di paz pa semper.—Salmo 37:11.
tin pensamento of recuerdo cu ta causa nan dolor.—Isaias 65:17.	biba pa semper den un mundo perfecto.—Salmo 37:29.

Un mucha homber cu un tempo tabata malo awor ta bon di salud y ta brasa su mama.

Un homber cu un tempo tabata di edad avansa awor ta jong y ta lastra un garetia yen di berdura.

5. E promesanan cu tin den Bijbel por yuda bo tin un mihor bida for di awor

E problemanan cu tin awendia ta haci hopi hende tristo y ta hasta pone nan rabia. Algun hende ta lucha pa haci mundo un mihor luga di biba. Wak con e promesanan di Bijbel tocante un mihor futuro ta yuda hende for di aworaki. Pasa e VIDEO. Despues, analisa e siguiente preguntanan.

VIDEO: Mi Kier A Bringa Kontra Inhustisia (4:07)

Collage: Escena di e video “Mi Kier A Bringa Kontra Inhustisia.” 1. Rafika tabata piki catuna hunto cu otro hende di su mes rasa tempo cu e tabata mucha. 2. Rafika a keda contento di mira hende di diferente rasa hunto ora el a bay un congreso di testigonan di Jehova pa prome bes.

Ki inhusticia tabata molestia Rafika?
Aunke cu e inhusticia cu tabata molesti’e no a disparce, con Bijbel a yud’e?

Ora nos ta confia cu loke Bijbel ta priminti pa futuro lo bira realidad, nos lo por trata cu desanimacion y nos lo por ta feliz a pesar di problema. Lesa Proverbionan 17:22 y Romanonan 12:12. Awor, analisa e siguiente pregunta:

Bo ta kere cu e promesanan cu tin den Bijbel por yuda bo hiba un mihor bida for di awor, y dicon?

LOKE HENDE SA BISA: “Loke Bijbel ta priminti pa futuro ta zona mucho bon pa ta berdad.”

Dicon bo ta kere ta importante pa bo investiga pa bo mes cu e promesanan cu tin den Bijbel lo cumpli?

RESUMEN

E promesanan cu tin den Bijbel tocante un mihor futuro ta duna nos speransa y ta yuda nos trata cu problema.

Repaso

Dicon ta importante pa hende haya sa loke Dios a priminti pa futuro?
Segun Bijbel, con bida lo ta den futuro?
Con e speransa cu Bijbel ta duna pa futuro por yuda bo for di awor?

A completa e les aki dia:

Meta

Lesa e textonan cu tin den e les aki un biaha mas pa bo por familiarisa bo mes cu e promesanan cu tin den Bijbel.

Otro meta:

Your other goal

MAS INFORMACION INTERESANTE

Wak con nos speransa pa futuro por yuda nos ora nos ta pasa den situacion dificil.

“Unda Hende Por Haña Speransa?” (Spièrta! di 22 di april 2004)

Wak con hende cu tin maleza cronico ta beneficia ora nan enfoca riba nan speransa pa futuro.

“Bijbel Por Yuda Hende Cu Tin Maleza Cronico?” (Articulo riba jw.org)

Ora bo wak e video musical aki, purba di imagina abo y bo famia disfrutando di bida den Paradijs.

Imaginá Kon Mundu Nobo Lo Ta (3:37)

Lesa con bida di un activista social a cambia ora el a siña loke Bijbel ta priminti pa futuro.

“Mi No Ta Sinti Mas Cu Mi Tin cu Cambia Mundo” (E Toren di Vigilancia di 1 di juli 2013)