Thomas Jackon/Stone via Getty Images
SIGUI VIGILA!
Bo Por Haya Speransa den 2024—Kico Bijbel Ta Bisa?
Hopi hende no ta mira cu lo tin un salida pa tur e problemanan cu hende lo haya nan cu ne den 2024. Pero no ta asina pasobra tin speransa. Na unda nos por hay’e?
Bijbel ta duna speransa
Bijbel ta priminti cu Dios lo kita tur loke cu ta laga nos sinti nos bashi y kibra. Pronto, Dios lo “seca tur lagrima for di [nos] wowo, y lo no tin morto mas; ni tristeza ni sclamacion ni dolor lo no tin mas.”—Revelacion 21:4.
Pa haya sa ki bon cosnan Bijbel ta priminti pa futuro, lesa e articulo “Berdadero Speransa pa un Mihor Futuro.”
Bijbel por yuda bo for di awor
E speransa cu Bijbel ta duna bo ta yuda bo lucha contra negativismo y yuda bo pa ta mas positivo. (Romanonan 15:13) Tambe Bijbel tin conseho cu lo yuda bo trata cu e problemanan cu kisas bo ta pasando aden aworaki, manera pobreza, inhusticia y maleza.
Haya sa con e speransa cu Bijbel ta duna a yuda un homber haya paz y felicidad a pesar cu el a bin di un famia pober. Wak e video Juan Pablo Zermeño: Yehova A Duna Mi un Bida Ku Tin Propósito.
Bo ta sinti bo malo debi na un eror? Of kisas bo ta sinti bo tristo, ansha of un ser keri di bo a fayece? Lesa e articulo “¿Mi Por Haya Consuelo den Bijbel?”
Mira con danki na Bijbel, un señora cu antes tabata un militar y cu a describi su mes como un persona “duro y friu” a haya speransa. Wak e video Mi A Deshaci di Mi Armanan.
Bo kier sa con 2024 por ta un bon aña pa abo y bo famia? Un curso di Bijbel por yuda bo cu esey. Pues sinti bo liber pa purba nos curso di Bijbel gratis. Lo bo haya sa con for di awor Dios por duna bo paz, “speransa y un bon futuro.”—Jeremias 29:11.