Nos Por Drenta Aña 2023 cu Speransa Cu Cos Lo Bira Mihor den Futuro?—Kico Bijbel Ta Bisa?

Awor cu nos ta drentando aña 2023, nos tur ta desea pa cos bay bon cu nos y cu nos famianan. Ki speransa nos tin cu cos lo bira mihor den futuro?

Bijbel ta duna nos speransa cu cos lo bira mihor den futuro

Bijbel ta duna nos bon noticia: Tur e problemanan cu nos ta enfrenta aworaki ta temporal y pronto e situacion na mundo lo drecha. Bon mira, Bijbel “a ser skirbi pa nos instruccion, pa asina mediante ... e consuelo for di e Scritura nos por tin speransa.”—Romanonan 15:4.

• Pa haya sa mas tocante e promesanan cu tin den Bijbel, lesa e articulo: “Berdadero Speransa pa un Mihor Futuro.”

E speransa cu Bijbel ta duna por yuda bo awor

Nos por compara e speransa cu Bijbel ta duna cu “un anker.” (Hebreonan 6:19) E speransa ey por duna nos bida stabilidad. Ademas, e speransa ey por yuda nos trata cu e problemanan cu nos tin aworaki, y e por yuda nos keda positivo y haya berdadero felicidad. Por ehempel:

• Pa haya sa con e speransa cu Bijbel ta duna a yuda un homber cu tabatin un adiccion, wak e video: Mi Tabata Fada di e Manera Cu Mi Tabata Biba.

• Pa haya sa con e speransa cu Bijbel ta duna por consola nos ora un ser keri di nos muri, wak e video: Consuelo pa Hende Cu A Perde un Ser Keri den Morto.

Fortalece bo speransa pa futuro

Hopi hende ta spera cu cos lo drecha den futuro, pero nan no tin niun garantia cu loke nan ta spera lo bira realidad. E promesanan di Bijbel si lo cumpli sigur. Con nos por sa esey? Wel, ta Jehova Diosa a priminti e cosnan ey, y Jehova “no por gaña.” (Tito 1:2) Ta Jehova so tin poder pa cumpli cu tur su promesanan; e por haci “tur loke e ta desea di haci.”—Salmo 135:5, 6.

Nos ta desea pa abo tambe beneficia di e speransa cu Bijbel ta duna, un speransa cu lo bira realidad sigur. Pa bo por fortalece bo confianza den e promesanan di Bijbel, ta importante pa bo “analisa e Scritura.” (Echonan 17:11) Pa haya sa mas tocante e speransa cu Bijbel ta duna, tuma un curso di Bijbel gratis. Cuminsa aña 2023 cu un bon speransa pa futuro!