Bo Ta “Scop Contra e Puntanan di Hero”?

DEN tempo biblico hende a uza prikstok—un bara largo, cu generalmente tawatin un punta di metal skerpi—pa guia of forsa bestia di carga pa move. Kico lo a pasa si un bestia cabesura resisti e puinan di e bara door di pusha contra dje? En bes di haya alivio, ta mas dolor so lo el a causa su mes.

Hesucristo resusita a menciona prikstok ora el a aparece na un homber cu yama Saulo, kende tawata riba caminda pa aresta algun di Hesus su disipelnan. For di un lus cu a cieg’e, Saulo a tende e stem di Hesus bisa: “Saulo, Saulo, pakico bo ta persigui mi? Ta duro pa bo scop contra e puntanan di hero.” Door di maltrata e cristiannan, Saulo en realidad tawata bringando contra Dios, siguiendo un proceder cu lo tawata dañino pa e mes.—Echonan 26:14.

Nos tambe por ta “scop contra e puntanan di hero” sin cu nos sa? Bijbel ta bisa cu “e palabranan di hende sabi” ta manera punta di hero cu ta pui nos pa bai den e direccion corecto. (Eclesiastes 12:11) E conseho inspira den e Palabra di Dios por motiva y guia nos corectamente—basta nos permitie. (2 Timoteo 3:16) Si nos resisti e puinan aki, esei lo ta malo pa nos mes.

Saulo a tuma Hesus su palabranan na serio, el a cambia su bida y a bira e apostel cristian tan stima, Pablo. Ora nos haci caso di e conseho di Dios, nos tambe lo ricibi bendicionnan eterno.—Proverbionan 3:1-6.

[Reconocemento pa Potret na pagina 32]

L. Chapons/Illustrirte Familien-Bibel nach der deutschen Uebersetzung Dr. Martin Luthers