Con nos por bira y keda un persona agradecido? Nos por haci esey si nos medita riba nos bendicionnan y gradici Jehova pa nan. Ora nos ta aprecia tur loke Jehova a haci pa nos, nos lo no bira malagradecido y nos lo por trata mihor cu e pruebanan cu nos ta enfrenta. Nos texto di aña pa 2015 lo yuda nos corda riba esaki henter e aña aki.

▪ Dicon Nos Ta Conmemora e Cena di Señor?

E articulo aki ta splica dicon nos mester conmemora e morto di Hesus. E ta describi kico e pan cu e biña na e Conmemoracion ta representa y ta splica tambe con un persona por sa si e mester tuma di nan si of no. E estudio aki lo yuda nos mira tambe con cada un di nos por prepara nos mes pa e Cena di Señor.

▪ Kico Por Yuda Bo pa Bo Por Tin un Matrimonio Fuerte y Feliz?

▪ Laga Jehova Fortalece y Proteha Boso Matrimonio

Parehanan casa ta lucha contra e presion- y tentacionnan di e mundo di Satanas. Pero cu Jehova su yudansa, nan por tin un matrimonio fuerte y feliz. E prome articulo ta analisa cinco “bloki” pa edifica un matrimonio solido y duradero. E di dos articulo lo analisa con nos por proteha nos matrimonio.

▪ Amor Por Dura pa Semper?

Kico ta amor berdadero? Con bo ta demostr’e? E por dura pa semper? Wak kico e Cantica di Salomon ta siña nos tocante amor berdadero entre un homber y un muher.

DEN E EDICION AKI TIN TAMBE

3 Nan A Ofrece Nan Mes di Buena Gana pa Sirbi—Na New York

PORTADA: Un ruman homber y un ruman muher predicando cu Bijbel den nan man den e pueblito Grindelwald; nos por wak e seronan Alpino di Berner parti patras

SUISA

CANTIDAD DI HABITANTE

7.876.000

CANTIDAD DI PUBLICADOR

18.646

ASISTENCIA NA MEMORIAL (2013)

31.980