Predica na “Tur Sorto di Hende”

1. Den ki sentido por compara un predicador eficaz cu un artesano habil?

¹ Un artesano habil tin hopi herment, y e sa na ki momento y con e tin cu uza cada un. Nos tambe tin varios herment pa yuda nos cumpli cu nos trabou di predica. Por ehempel, nos tin foyeto cu ta trata un variedad di topico cu por yuda nos predica na “tur sorto di hende.” (1 Cor. 9:⁠22) E suplemento adhunto ta menciona algun di e foyetonan aki. E ta splica pa ken a prepara cada un di nan y con nos por ofrece nan.

2. Na ki momento nos por uza foyeto den sirbishi?

² Ki Ora Ta Uza Foyeto: Un artesano lo uza un herment na momento cu esaki por yud’e cu su obra. Asina tambe, nos por ofrece un foyeto na momento cu nos haya cu lo e por beneficia un hende, pues, no solamente ora nos tin e como oferta di luna. Por ehempel, si e buki Bijbel Ta Siña ta e oferta di luna y nos ta papiando cu un doño di cas cu no ta cristian y cu no ta masha interesa den Bijbel, lo ta mas practico pa ofrece un foyeto cu ta pas cu e circunstancia ey. Despues cu nos cultiva e persona su interes, nos por introduci e buki Bijbel Ta Siña.

3. Dicon nos tin cu siña uza nos hermentnan di predica habilmente?

³ Bijbel ta elogia hende cu ta habil den nan trabou. (Pro. 22:⁠29) Sin duda, awe no ta existi un trabou mas importante cu “e trabou santo di declara e bon noticia.” (Rom. 15:⁠16) Pa nos por bira “un trahado cu no tin nada di tene berguensa di dje”, nos lo haci tur nos esfuerso pa siña uza nos hermentnan habilmente.​—⁠2 Tim. 2:⁠15.