Diesdos Motibo pa Predica

Dicon nos ta predica e bon noticia y dirigi estudio di Bijbel cu hende? Acaso e motibo principal ta pa yuda hende sincero subi riba e caminda cu ta hiba na bida? (Mat. 7:14) Aunke esey ta e prome motibo cu tin riba e siguiente lista, toch pa nos e no ta esun principal. Di e siguiente 12 motibonan cu nos tin pa predica, cua abo ta kere ta esun di mas importante? E trabou di predica . . .

1. Ta yuda salba bida.—Juan 17:3.

2. Ta spierta e malbado.—Eze. 3:18, 19.

3. Ta cumpli cu profecia di Bijbel.—Mat. 24:14.

4. Ta demostra Dios su husticia. Ningun persona lo por acusa Jehova cu el a destrui e malbadonan sin duna nan oportunidad pa arepenti.—Echo. 17:30, 31; 1 Tim. 2:3, 4.

5. Ta yuda nos cumpli cu nos obligacion di duna yudansa spiritual na hende cu a ser cumpra cu e sanger di Hesus.—Rom. 1:14, 15.

6. Ta yuda nos evita culpa di sanger.—Echo. 20:26, 27.

7. Ta un rekisito pa nos mes haya salbacion.—Eze. 3:19; Rom. 10:9, 10.

8. Ta duna nos oportunidad pa demostra amor na prohimo.—Mat. 22:39.

9. Ta prueba cu nos ta obedece Jehova y su Yiu.—Mat. 28:19, 20.

10. Ta parti di nos adoracion.—Heb. 13:15.

11. Ta demostra cu nos ta stima Dios.—1 Juan 5:3.

12. Ta contribui na santificacion di e nomber di Jehova.—Isa. 43:10-12; Mat. 6:9.

Claro cu tin mas motibo pakico nos ta predica. Por ehempel, ora nos ta predica, nos fe ta bira mas fuerte, y nos tin e privilegio di ta compañero di trabou di Dios. (1 Cor. 3:9) Sinembargo, e motibo di mas importante pakico nos ta predica ta number 12. Sea cu hende scucha of no, nos sirbishi ta contribui na santificacion di e nomber di Dios y ta haci posibel cu Jehova por contesta esun cu ta reproch’e. (Pro. 27:11) En berdad, nos tin bon motibo pa ‘sigui siña hende y declara e bon noticia sin stop.’—Echo. 5:42.