Campaña pa Anuncia Memorial Ta Cuminsa 1 di Maart
1. Ki dia nos lo cuminsa anuncia e Memorial, y dicon e campaña ta mas largo e aña aki?
1 Diabierna 1 di maart, nos lo cuminsa cu nos campaña anual pa invita hende pa asisti na Memorial, cu lo tuma luga 26 di maart. E aña aki, e campaña lo ta un poco mas largo. Pues, nos por invita mas tanto hende, specialmente si nos congregacion tin un teritorio grandi pa cubri.
2. Ki preparacion e ancianonan lo haci pa nos haya e invitacionnan y cubri e teritorio?
2 Instruccionnan: Ancianonan lo duna guia con pa cubri e teritorionan y si mester laga invitacion caminda no tin hende na cas. Si resta invitacion despues cu traha tur cas den e teritorionan, nos por laga esakinan ora nos ta predica publicamente, manera den caya, riba parkeerplaats, den parke, negoshi, etcetera. (Echo. 20:20) E superintendente di sirbishi lo percura pa riba bali tin suficiente invitacion cu e adres di e luga y e ora di e Memorial pa e publicadornan por tuma. No mester pone tur e invitacionnan riba bali mesora. Nos mester tuma solamente e cantidad di invitacion cu nos lo uza e siman ey.
3. Kico nos mester tene cuenta cu ne ora di parti invitacion?
3 Loke Nos Por Bisa: Ta mihor nos ta breve, di manera cu nos por invita mas tanto hende posibel. Na pagina 4 tin un presentacion cu nos por adapta na nos teritorio. Si e doño di cas ta amigabel of tin algun pregunta, nos por keda un poco mas. Den weekend, aparte di parti invitacion, nos por ofrece revista tambe, si ta apropia. Diasabra 2 di maart, nos lo concentra riba parti invitacion pa Memorial en bes di purba di cuminsa estudio di Bijbel.
4. Dicon nos mester participa cu entusiasmo den e campaña aki?
4 Nos ta spera cu hopi hende lo asisti na Memorial. E discurso lo splica ken Hesus ta realmente. (1 Cor. 11:26) Tambe lo e splica con su morto ta yuda nos. (Rom. 6:23) Y lo e mustra dicon ta importante pa nos corda riba Hesus. (Juan 17:3) Laga nos participa cu entusiasmo den e campaña aki!