Algun Sugerencia

Pa Cuminsa Estudio di Bijbel Riba e Prome Diasabra di April

“Nos ta animando nos prohimo pa lesa nan Bijbel. Pero hopi di nan ta haya cu Bijbel ta dificil pa compronde. Abo tambe ta haya cu ta asina? [Permiti e persona contesta.] Wak kico e revista aki ta bisa.” Mustra e persona e articulo parti patras di E Toren di Vigilancia di 1 di april, trata e informacion di e prome pregunta y lesa maske ta un di e textonan. Ofrec’e e revista y traha un afspraak pa trata e siguiente pregunta.

E Toren di Vigilancia 1 di April

“Nos tur tin problema pa trata cu ne. Pesey, algun hende ta puntra nan mes ta ki sentido bida tin. Kico abo ta pensa ta e obstaculo di mas grandi pa hiba un bida feliz awe? [Permiti e persona contesta.] Bijbel ta priminti cu pronto Dios lo caba cu tur nos problemanan. [Lesa Revelacion 21:4.] E revista aki ta papia tocante e futuro cu ta spera nos y tambe con nos por tin un bida cu proposito for di awor.”

¡Despertad! April

“Violencia domestico ta un fenomeno mundial. Tin hende ta bisa cu loke ta contribui na esey ta un hende su cultura, su crianza y e entretenimento violento cu e ta wak. Kico abo ta pensa ta e causa principal di e problema aki? [Permiti e persona contesta.] Bijbel ta mustra con esposo y esposa mester trata otro. [Lesa Efesionan 5:33.] E revista aki ta analisa algun principio di Bijbel cu a salba hopi matrimonio.”