Dia 22 di Maart Nos Ta Cuminsa Invita Hende pa e Conmemoracion

E aña aki nos campaña pa parti invitacion pa e Conmemoracion ta cuminsa diasabra 22 di maart. Nos ta anima tur publicador pa apoya esaki. Den weekend nos por ofrece nos revistanan tambe, si ta apropia. Riba e prome diasabra di april nos lo concentra riba parti invitacion en bes di purba cuminsa estudio di Bijbel. Pero, si nos topa un hende cu tin hopi interes, nos por purba cuminsa un estudio di Bijbel cu ne. E superintendente di sirbishi por determina si lo parti invitacion na luganan publico pa alcansa mas hende den e teritorio. For di awor, traha un lista di famia, colega di trabou, compañero di scol, rebishita y otro hende conoci cu bo tin gana di invita y duna nan un invitacion ora e campaña cuminsa. Nos ta spera cu hopi hende lo bin conmemora cu nos e dos expresionnan di mas grandi di amor.​—⁠Juan 3:⁠16; 15:⁠13.