Con Nos Por Splica Nos Creencianan Tocante 1914?

Bijbel ta anima nos pa ta “cla pa defende” nos creencianan na “un manera suave y cu respet profundo.” (1 Ped. 3:15) Realidad ta cu no ta facil pa splica siñansanan profundo di Bijbel, manera por ehempel, cu e Reino a cuminsa goberna na 1914. Pa nos haya un idea con pa splica esaki, nos por haci uzo di e serie di dos parti titula: “Un Combersacion Interesante Tocante Bijbel—Na Ki Tempo e Reino di Dios a Cuminsa Goberna?” E articulonan aki ta den e edicionnan di E Toren di Vigilancia cu nos lo uza den sirbishi den october y november. Ora bo ta analisa e articulonan aki, tene e siguiente preguntanan na mente relaciona cu e manera cu Robert, e publicador, a trata e topico.

Con el a ...

• busca un base comun y elogia Frank?—Echo. 17:22.

• mustra humildad ora e tabata splica su creencianan?—Echo. 14:15.

Dicon tabata bon cu ...

• el haci un resumen di loke el a caba di trata prome cu el a pasa pa otro punto?

• el a para keto na cierto momento pa haci pregunta pa wak si Frank a compronde e splicacion?

• e no a trata demasiado informacion den un solo biaha?—Juan 16:12.

Nos ta masha contento cu Jehova, nos Gran Instructor, ta yuda nos splica berdadnan profundo di Bijbel na hende cu kier compronde nan.—Isa. 30:20, NW.