Con pa Mehora Nos Sirbishi: Yuda Studiantenan di Bijbel Desaroya Bon Custumber di Studia

Dicon Esey Ta Importante: Pa studiantenan di Bijbel por progresa y alcansa madurez den sentido spiritual, nan tin cu haci mas cu solamente alimenta nan mente y curason cu e siñansanan basico di Bijbel. (Heb. 5:12–6:1) Studia ta encera tambe conecta informacion nobo cu loke nos sa caba y pensa con pa pon’e na practica. Esey ta exigi esfuerso. (Prov. 2:1-6) Ademas, studiantenan mes tin cu siña con pa busca contesta pa preguntanan basa riba Bijbel den nos publicacionnan. E esfuerso cu nan ta haci pa practica loke nan ta siña lo prepara nan pa enfrenta prueba den futuro.—Luc. 6:47, 48.

Con pa Haci Esaki:

Enfatisa con importante ta pa pidi Jehova su guia cada bes cu nos ta bay studia.—Juan 14:26; 1 Cor. 2:10.
Anima bo studiante for di cuminsamento pa prepara di antemano pa su estudio di Bijbel. Mustr’e den bo buki of foyeto con abo a marca solamente e palabra- of frasenan clave y siñ’e pa haci mescos.
Pidi e studiante pa contesta e preguntanan cu su mes palabranan. Pa e estudio no bira laf, no djis haci pregunta y lag’e lesa e contesta den su buki.
Anima e studiante pa lesa Bijbel tur dia. Mustr’e e programa di lesamento di Bijbel cu tin riba jw.org y dun’e un idea con e por haci esaki na un manera practico. Pa un hende por desaroya e bon custumber di lesa Bijbel tur dia, e mester haci hopi esfuerso, pero e esfuerso ey ta bale la pena.—Sal. 1:2, 3.
Mustr’e con pa uza Watchtower Library riba CD-ROM of BIBLIOTHEEK ONLINE Watchtower pa busca contesta pa preguntanan basa riba Bijbel. Yud’e reconoce abreviacion di e publicacionnan cu mas nos ta uza na reunion.

Purba di Haci Esaki Durante e Luna Aki:

Na final di un subtitulo of capitulo, pidi bo studiante p’e splica bo cu poco palabra loke el a caba di siña. Si bo no tin un studiante, practica con pa splica cu poco palabra loke bo ta lesa den Bijbel of un paragraf di E Toren di Vigilancia. Esey lo yuda bo compronde loke bo ta lesa.