Con Oracion Por Yuda Bo
Ora Pamela a haya cancer, el a busca yudansa medico. Pero tambe el a haci oracion na Dios pa dun’e forsa. Oracion a yud’e?
Pamela a splica: “Durante mi tratamento, mi tabatin hopi miedo. Pero ora mi a resa na Jehova Dios, mi a sinti mi trankil y esey a yuda mi deal cu mi situacion sin miedo. Ainda mi ta haya hopi dolor, pero oracion ta yuda mi keda positivo. Ora hende puntra mi con mi ta sinti, mi ta bisa nan cu mi no ta sinti mi bon, pero toch mi ta contento.”
Claro cu nos no mester warda te ora nos tin un maleza of un problema serio pa haci oracion. Nos tur ta enfrenta reto, sea grandi of chikito, y hopi bes nos mester di yudansa pa deal cu nan. Con oracion por yuda bo?
Bijbel ta bisa: “Tira bo carga riba SEÑOR, y e lo sostene bo; nunca e lo no permiti pa e husto wordo movi.” (Salmo 55:22) Ki un consuelo esey ta! Pues, con oracion por yuda bo? Ora bo resa na Dios na e manera corecto, e lo duna bo loke bo tin mester pa deal cu bo retonan.—Wak e cuadro “Cu Kico Oracion Por Yuda Bo?”