Ken Bo Por Confia?—⁠Kico Bijbel Ta Bisa?

Hopi hende ta keda desapunta ora nan ripara cu nan no por confia esnan cu en realidad mester ta hende confiabel. Hopi hende a stop di confia ...

• e lidernan politico cu ta pone nan interesnan na prome luga en bes di e necesidadnan di e pueblo.

• e medionan di comunicacion cu no ta duna noticia confiabel of, na un manera honesto.

• e cientificonan cu no tin bienestar di hende na pecho.

• e lidernan religioso cu ta mete den politica en bes di ta representantenan di Dios.

Hende tin tur rason pa tene cuidou ken nan ta confia. Bijbel ta bisa lo siguiente:

•  “No pone bo confianza den gobernante ni den niun otro hende, pasobra nan no por salba bo.”—Salmo 146:3, nota.

Un persona cu bo por confia

 Bijbel ta papia di un persona cu si nos por confia; e persona ey ta Hesucristo. Hesucristo no tabata djis un bon hende cu a biba hopi siglo pasa. Dios a scoge Hesus pa e “reina como Rey ..., y lo no tin fin na su Reino.” (Lucas 1:32, 33) Hesus ta Rey di e Reino di Dios. E Reino di Dios ta un gobierno cu ta gobernando aworaki caba den cielo.—Mateo 6:10.

• Pa haya sa dicon nos por confia Hesus, lesa e siguiente articulonan: “Ken Ta e Rey di e Reino di Dios?” y “Kico e Reino di Dios Lo Logra?”