Guera na Israel y e Paisnan Eybanda​—⁠Kico Bijbel Ta Bisa?

Hende rond mundo ta preocupa tocante di e situacion cu tin awor entre Merca, Israel y Iran. Hende ta puntra nan mes: E situacion aki lo bira mas pio y hiba na un guera cu lo afecta mas pais? Gobierno por haci algo pa stop e situacion di bira mas pio y logra trece paz atrobe?

Algun hende cu sa tocante di profecia di Bijbel kisas ta puntra nan mes si e situacion cu tin awor entre Merca, Israel y Iran ta e comienso di Armagedon, e guera cu e buki di Revelacion ta menciona.

Kico Bijbel ta bisa?

Gobierno lo logra caba cu guera na Israel y e paisnan eybanda?

Bijbel ta bisa: “No pone bo confianza den hende cu tin poder ni den niun otro hende, pasobra nan no por salba bo.”—Salmo 146:3.

Nos no sa si e gobiernonan lo logra mehora e situacion den e area rond di Israel. Loke si nos sa ta cu Bijbel ta mustra bon cla cu ningun lider politico, gobierno ni grupo di hende no por caba cu guera y haci sigur cu semper lo tin paz. Ta Dios so por “caba cu guera tur caminda riba Tera.”—Salmo 46:9.

• Pa haya sa mas, lesa e revista E Toren di Vigilancia cu tin e tema “Guera Lo Caba—Con?”

E guera cu tin awor na Israel y e paisnan eybanda ta cumplimento di profecia?

Bijbel ta bisa: “Boso lo tende di guera den varios luga. ... Nacion lo lanta contra nacion y reino contra reino.”—Mateo 24:6, 7.

E situacion actual cu tin entre Merca, Israel y Iran ta un di e sucesonan cu ta mustra cu nos ta bibando den e “conclusion di e era aki” cu Bijbel ta yama tambe “e ultimo dianan.” (Mateo 24:3; 2 Timoteo 3:1) Pues, tur e gueranan cu nos ta mira awe ta yuda nos compronde den ki tempo nos ta bibando y cu pronto Dios lo caba cu guera y tur otro problema cu ta pone hende sufri.

• Pa haya sa mas, lesa e articulo “Kico Ta e Señal di ‘e Ultimo Dianan’, of di ‘e Tempo Stipula di e Fin’?”

E Guera di Armagedon lo cuminsa na Israel y e paisnan eybanda?

Bijbel ta bisa: “Nan a reuni e reynan hunto na e luga cu na Hebreo yama Armagedon.”—Revelacion 16:16.

E guera di Armagedon lo no cuminsa na Israel y e paisnan eybanda. Ademas, e no ta un guera entre e gobiernonan riba Tera. E ta un guera entre e gobiernonan riba Tera y Dios, y lo e afecta henter mundo.

• Pa haya sa mas, lesa e articulo “Kico e Guera di Armagedon Ta?”

Kico por yuda nos keda calmo ora hopi cos cu ta causa ansiedad ta sosode?

Bijbel ta bisa: “No sea ansha tocante nada; mas bien, den tur cos, pa medio di oracion y suplica hunto cu gradicimento, laga Dios sa kico ta boso peticionnan.”—Filipensenan 4:6.

Jehovaa Dios kier pa nos haci oracion na dje. Como cu Dios ta interesa den nos, e lo scucha nos oracionnan y yuda nos trata cu ansiedad. (1 Pedro 5:7) Un manera cu Dios ta yuda nos trata cu ansiedad ta door di yuda nos compronde dicon tin guera y con e ta bay caba cu nan y cu tur loke ta causa dolor y sufrimento.—Revelacion 21:3, 4.

• Pa haya sa di mas manera cu Dios ta yuda nos, lesa e articulo “¿Puedo encontrar consuelo en la Biblia?.”