Dios Ta un Forsa sin Personalidad?

E contesta cu Bijbel ta duna

Dios ta eherce un poder incomparabel na tur parti di universo. Relaciona cu e manera cu el a crea e miyones y miyones di streanan incontabel, Bijbel ta bisa: “Hisa bo wowo wak ariba y mira ta ken a crea e streanan aki; esun cu ta guia nan ehercito segun nan cantidad, ta e [esta, Dios] ta yama nan tur na nan nomber; pa motibo di e grandeza di su forsa y su poder ningun di nan no ta falta.”—Isaias 40:25, 26, Beibel Santu.

Pero Dios ta mucho mas cu djis un forsa poderoso. Bijbel ta bisa cu e tin sintimento, manera amor; tambe e por expresa odio. (Salmo 11:5; Juan 3:16) Tambe e ta mustra cu hende su accionnan tin influencia riba e emocionnan di Dios.—Salmo 78:40, 41.