Cristiannan Tin Mag di Uza Anticonceptivo?

E contesta cu Bijbel ta duna

Hesus no a duna su siguidornan e mandato pa haya yiu ni pa no haya yiu. Su discipelnan tampoco no a duna e instruccion ey. Niun caminda Bijbel no ta bisa specificamente cu un hende no tin mag di controla e cantidad di yiu cu e ta haya. Den e asunto aki, e principio na Romanonan 14:12 ta aplica: “Cada un di nos lo duna cuenta y rason na Dios pa nos accionnan.”

Pues, parehanan casa ta liber pa dicidi si nan kier haya yiu of no. Ademas, ta nan mester sa cuanto yiu nan kier y ki tempo nan ta haya nan. Si un pareha scoge pa uza un of otro forma di anticonceptivo—cu no ta causa abortus—pa evita embaraso, esey ta nan responsabilidad y nan decision. Niun hende no mester husga nan.—Romanonan 14:4, 10-13.