Bijbel Por Haci Mi Famia Feliz?

E contesta cu Bijbel ta duna

Si. Laga nos wak algun conseho sabi for di Bijbel cu a yuda miyones di hende homber y muher haci nan famia feliz.

1. Haci bo union legal. E compromiso di bida largo cu matrimonio ta duna ta e fundeshi pa un famia feliz.​—Mateo 19:4-6.

2. Stima otro y respeta otro. Esaki ta encera trata bo casa manera abo kier ser trata.​—Mateo 7:12; Efesionan 5:25, 33.

3. Evita palabra skerpi. Papia na un manera bondadoso cu bo casa hasta ora e bisa of haci algo cu ta hurt bo. (Efesionan 4:31, 32) Manera Bijbel ta bisa na Proverbionan 15:1: “Un contesta suave ta kita rabia, ma un palabra skerpi ta lanta rabia.” (Beibel Santu)

4. Keda fiel na otro. Bo atencion romantico y sexual mester ta solamente pa bo casa. (Mateo 5:28) Bijbel ta bisa: “Laga matrimonio ta honorabel den bista di tur hende, y tene e cama matrimonial sin mancha.”​—Hebreonan 13:4.

5. Lanta bo yiunan cu amor. Evita di ta sea mucho suave of mucho severo.​—Proverbionan 29:15; Colosensenan 3:21.