Bo Ta Invita na e Congreso di Districto “Proclamadonan Celoso Dje Reino”

NA MERCA so tin 194 congreso programa. E prome lo ta dia 17 pa 19 di mei, y e ultimo ta meimei di september. Casi sigur lo tin un di e congresonan aki di tres dia—normalmente nan ta di diabierna pa diadomingo—na un sitio den bo bicindario.

Na mayoria luga e sesion lo cuminsa 9:30 di mainta cu un programa musical. Riba e prome dia, despues di e discurso di bonbini lo tin un parti den cua ta entrevista proclamadonan di Reino. Anto despues di e discursonan “Deleita Bo Mes den Yehova” y “Sea Gradicido”, e sesion di mainta lo conclui cu e discurso clave: “Celo Ta Stimula Proclamadonan di Reino.”

E sesion di diabierna atardi lo inclui un simposio di tres parti, “E Profecia di Mikeas Ta Fortifica Nos pa Cana den e Nomber di Yehova”, y tambe e discursonan “Keda Moralmente Puro door di Proteha Bo Curason” y “Warda Bo di Engaño.” Por ultimo, durante e discurso final “Adora e Unico Dios Berdadero”, nos lo haya algo tremendo pa uza den sirbishi cristian.

E sesion di diasabra mainta lo tin entre otro e simposio di tres parti “Proclamadonan di Reino Cu Ta Glorifica Nan Ministerio.” Despues lo sigui e discursonan animador “Pakico ‘Haci Oracion sin Stop’” y “Combersacion Spiritual Ta Edifica.” E programa di mainta lo conclui cu un discurso di dedicacion y bautismo, y despues lo tin oportunidad pa batisa personanan cu ta cumpli cu e rekisitonan.

E programa di diasabra atardi lo presenta e ultimo simposio di tres parti di e congreso, “Varios Prueba Ta Test e Calidad di Nos Fe.” E partinan lo yuda cristiannan confronta e reto di mantene neutralidad. E programa di diasabra ta conclui cu un punto sobresaliente di e congreso, e discurso conmovedor “Hala Serca Yehova.”

E programa di diadomingo mainta lo dirigi atencion special na e hobennan, cuminsando cu e discursonan “Bo Confiansa Ta den Yehova?” y “Hobennan—Traha pa Futuro Hunto cu Yehova Su Organisacion.” E ultimo parti lo tin 20 minuut di entrevista. Despues lo sigui un drama den pleno trahe y esenario antiguo tocante Yeremias, kende a protesta ora Dios a nombr’e como profeta: “Mi ta un mucha.” (Yeremias 1:6) Despues di e drama lo sigui un discurso cu lo resalta e mensahe cu e drama a transmiti. E programa di atardi lo presenta e discurso publico: “E Esena di e Mundo Aki Ta Cambiando.”

Bo bida sigur lo bira mas rico den sentido spiritual si bo asisti tur tres dia. Pa bo haya e sitio di congreso mas serca bo cas, tuma contacto cu e Salon di Reino local di Testigonan di Yehova of skirbi e publicadonan di e revista aki. Den E Toren di Vigilancia di 15 di februari 2002, tin un lista di e congresonan na Aruba, Curaçao y Hulanda.