Bonbini na e Congreso di Districto “Cana cu Dios”
◼ Miyones di hende lo asisti na centenares di congreso cu lo ser teni rond mundo. Lo tin tres congreso di tres dia na Papiamento. Esun prome lo ta na Aruba dia 23 pa 25 di juli, esun di dos lo ta na Corsow dia 30 di juli pa 1 di augustus y e ultimo lo ta na Hulanda dia 6 pa 8 di augustus. Probablemente lo bo por bai un di e reunionnan di tres dia aki. Por lo general e reunionnan aki ta di diabierna pa diadomingo.
Na mayoria luga e sesion lo cuminsa tur dia 9:30 a.m cu un programa musical. E tema pa diabierna ta “Esaki Ta e Caminda, Cana den Dje.” Despues di e discurso di bonbini, “Congrega pa Laga Yehova Siña Nos Su Caminda”, lo sigui un parti den cua lo tin entrevista cu rumannan cu ta cana fielmente cu Dios. Despues di e discursonan “Sigui Duna Prueba di Loke Boso Mes Ta”, y “Laga e Palabra di Dios Guia Bo Pasonan Tur Dia”, e sesion di mainta lo conclui cu e discurso clave, “Cana cu Dios den Tempo Turbulento.”
Durante e sesion di diabierna atardi lo tin un simposio di tres parti, “E Profecia di Oseas Ta Yuda Nos Cana cu Dios.” Despues di esaki lo sigui e discursonan, “No Separa ‘Loke Dios A Uni’”, y “Mustra Respet pa Nos Reunionnan Sagrado.” E ultimo discurso pa e dia ei, “Bon Nobo pa Hende di Tur Nacion”, lo curasha nos pa alcansa hende di tur idioma cu e bon nobo.
E tema pa diasabra ta “Mira Bon Con Boso Ta Cana.” Den e simposio di parti mainta, “Cana Progresivamente Como Minister”, lo tin un parti cu ta duna mas sugerencia tocante con pa alcansa hende cu ta papia otro idioma. E programa parti mainta ta conclui cu e discurso importante “Cana cu Yehova Segun Afspraak.” Y despues di esei lo tin oportunidad pa personanan cualifica batisa.
Diasabra atardi tin e discursonan “Evita Cualkier Causa di Tropieso”, y “Actividadnan Sano Cu Ta Refresca.” Lo tin entrevistanan animador den e siguiente discursonan: “Yehova Ta Nos Wardador”, “Cumprando e Tempo Oportuno”, y “Cana den e Berea di Lus Cu Ta Briya Mas y Mas Cla.” E sesion aki lo conclui cu e discurso cu ta pone bo pensa: “‘Keda Vigila’—E Ora di Huicio A Yega.”
Tema di e programa pa diadomingo ‘Sigui Cana den e Berdad’, ta ser enfatisa den e discurso “Hobennan—Cana den e Caminda di Husticia.” Despues lo sigui e drama den pleno trahe y escenario antiguo cu ta trata e ministerio di apostel Pablo. Despues di e drama lo tin un discurso cu ta enfatisa e lesnan cu nos por saca for di e drama. Parti atardi lo tin e discurso publico, “Cana cu Dios Ta Trece Bendicion Awor y pa Semper.”
Si bo kier sa cua ta e congreso mas serca di bo, tuma contacto cu e Salon di Reino local di Testigonan di Yehova of skirbi e publicadonan di e revista aki. Den e edicion di 1 di maart di nos revista compañero, E Toren di Vigilancia, tin lista di tur e congresonan cu lo tuma luga na Antiya Hulandes y Aruba, y tambe algun di Hulanda.