PARTI 9

Ki Dia Tera Lo Bira un Paradijs?

E problemanan di awendia ta indica cu e Reino di Dios ta cerca. Lucas 21:10 y 11; 2 Timoteo 3:1-5

Problemanan cu ta caracterisa e ultimo dianan: gamblemento, guera, maleza, scarsedad di cuminda, desobediencia na mayornan y violencia na cas

For di hopi tempo pasa Bijbel a papia di tur e problemanan cu tin awe. E ta bisa cu yiunan lo desobedece nan mayornan, cu hende lo stima placa y placer, y cu nan lo ta feroz.

Tambe e ta bisa cu lo tin temblor grandi, guera, scarsedad di cuminda y hopi maleza. Tur ta cosnan cu ta pasando awendia.

Un testigo di Jehova ta predica e bon noticia di Reino na un hende homber

Hesus a bisa tambe cu e bon noticia tocante e Reino lo ser predica rond mundo.—Mateo 24:14.

E Reino di Dios lo caba cu tur maldad. 2 Pedro 3:13

Dios ta destrui e malbadonan durante Armagedon, despues Satanas y su demoñonan lo haya castigo

Pronto Jehova lo caba cu tur mal hende.

Satanas y su demoñonan lo haya nan castigo.

Hesus ta sinta riba su trono celestial y hende di diferente rasa ta alegra

Hende cu scucha Dios lo biba den un mundo nobo. Nan lo no tin miedo mas, pasobra tur hende lo confia otro y stima otro.