Un Reino Cu Ta Bay Manda Riba Henter Mundo

Bo sa caba ta di ki Reino nos ta papiando?— Si, e Reino di Dios, e Reino cu lo haci henter mundo un paradijs. Bo kier haya sa mas di e Reino aki?—

Tur reino tin un rey. Y e rey ta manda riba e hendenan cu ta biba na su pais. Abo sa ta ken ta e Rey di e Reino di Dios?— Ta Hesucristo. E ta biba den cielo. Pronto e ta bay bira Rey di tur hende na mundo! Abo ta kere cu nos lo ta contento dia Hesus ta Rey di henter mundo?—

Nos lo ta hopi contento! Den Paradijs, no ta bay tin guera ni hende lo no bringa cu otro mas. Tur hende lo stima otro. Niun hende lo no bira malo ni muri. Hende ciego lo por mira, hende sordo lo por tende y hende cu no por cana lo por hasta core bula rond. Tur hende lo tin suficiente cuminda. Anto bestia lo hunga cu otro y nos tambe lo por hunga cu nan. Hende cu a muri lo biba atrobe. Hopi di e hendenan cu bo a siña di dje den e foyeto aki, manera Rebeca, Rahab, David y Elias, tambe lo bolbe biba! Bo tin gana di topa nan ora nan bin bek?—

Jehova ta stima bo y e kier pa bo ta feliz. Si bo sigui siña tocante Jehova y obedec’e, lo bo por biba pa semper den un paradijs hopi bunita mes! Abo kier esey?—