PREGUNTA CU BIJBEL TA CONTESTA

Di unda Diabel a bin?

Dios no a crea Diabel. Mas bien, Dios a crea e angel cu despues a bira Diabel, conoci tambe como Satanas. Hesus a indica cu un tempo Diabel tabata un bon angel y sin engaño ni pica. Pues, na principio Diabel tabata un yiu husto di Dios.​—Lesa Juan 8:44.

Con un angel por a bira Diabel?

E angel cu a bira Diabel a scoge pa bay contra Dios y a instiga e prome pareha humano pa join e. Di e manera ey el a haci su mes Satanas, cu ta nifica “Resistido.”​—Lesa Genesis 3:1-5; Revelacion 12:9.

Mescos cu tur otro criatura inteligente di Dios, e angel cu a bira Diabel tabatin e libertad di scoge pa haci bon of malo, pero el a haya un deseo pa ser adora. Su deseo pa haya gloria tabata mas fuerte cu su deseo pa agrada Dios.​—Lesa Mateo 4:8, 9; Santiago 1:13, 14.

Con Diabel a sigui influencia hende? Bo mester tin miedo di dje? Bo por haya contesta pa e preguntanan ey den Bijbel.