Con Diabel Su Apariencia Ta?
Loke Bijbel ta bisa
Diabel, of Satanas, ta un spirito invisibel. Esey kiermen cu e no tin un curpa fisico cu nos por mira.—Efesionan 6:11, 12.
Hopi biaha, hende sa pinta Diabel manera un criatura cu parce cabrito cu tin cacho cu rabo y un forki grandi den su man. Algun hende ta kere cu e imagennan aki di Diabel a origina di pintornan di Edad Medio cu probablemente a ser influencia pa tradicion y mitologia di antiguedad.
Con Bijbel ta describi Diabel?
Bijbel ta describi Diabel den diferente manera. Esey ta yuda nos compronde e clase di persona cu e ta, no con su apariencia ta. Algun ehempel ta:
Un angel di luz. E ta ofrece hende cos cu ta parce bon pa asina nan sigui su ideanan en bes di e siñansanan di Dios.—2 Corintionan 11:14.
Un leon cu ta grita. E ta ataca Dios su adoradornan ferozmente.—1 Pedro 5:8.
Un dragon grandi. E ta spantoso, poderoso y ta causa hopi daño.—Revelacion 12:9.