Proteha Bo Consenshi

1. Kico ta e tema di e dia special di asamblea pa aña di sirbishi 2013, y kico ta e proposito di e programa?

¹ Tur dia nos ta haya nos cu situacionnan cu por pone nos consenshi na prueba. Pesey e programa pa e dia special di asamblea pa aña di sirbishi 2013, cu ta cuminsa dia 1 di september 2012, tin como tema “Proteha Bo Consenshi.” (1 Tim. 1:19) A prepara e programa aki pa yuda nos reflexiona seriamente riba e manera cu nos ta uza e regalo valioso aki cu nos a haya di nos Creador.

2. Ki preguntanan lo haya contesta durante e programa?

² Contenido di e Programa: Durante e programa lo contesta shete pregunta importante tocante consenshi:

• Kico por daña nos consenshi?

• Con nos por entrena nos consenshi?

• Kico nos tin cu haci pa keda liber di culpa di sanger di hende?

• Kico nos ta demostra ora nos ta pensa y actua a base di principionan di Bijbel?

• Con nos por evita di herida consenshi di otro hende?

• Hobennan, con boso por keda firme ora boso ta enfrenta prueba?

• Ki bendicion hende cu ta sigui nan consenshi dirigi pa spirito santo lo ricibi?

3. Con nos por beneficia di e programa?

³ Cu Jehova su yudansa nos por para firme contra e intentonan di Satanas pa corumpi nos consenshi. Nos Tata celestial stima nos, y pa medio di su Palabra y organisacion e ta bisa nos: “Esaki ta e caminda. Cana den dje.” (Isa. 30:21) E programa aki ta un di e maneranan cu Jehova ta mustra nos con nos tin cu cana. Pesey, haci sigur pa bo t’ey henter e programa. Presta bon atencion y pensa riba con bo por aplica loke bo a siña. Ademas, tuma tempo pa repasa e programa hunto como famia. Ora nos ta practica loke nos siña, nos lo “mantene un consenshi limpi” y lo no laga e placernan pasahero di e mundo di Satanas desvia nos for di e caminda di bida.​—⁠1 Ped. 3:16.