Proteha Bo Mente
1. Kico ta e tema di e asamblea di circuito pa aña di sirbishi 2013, y kico ta e proposito di e programa?
1 Hesus a siña su discipelnan pa stima Jehova cu henter nan curason, alma y mente. (Mat. 22:37, 38) A prepara tanto e congreso como e asambleanan di e aña aki pa yuda nos fortalece e persona cu nos ta di paden. Manera nos por corda, e tema di nos congreso di districto tabata “Proteha Bo Curason!” Esun di e dia special di asamblea pa aña di sirbishi 2013 ta “Proteha Bo Consenshi.” Y e tema di e serie di asamblea di circuito cu lo cuminsa na october, lo ta “Proteha Bo Mente”, y e ta basa riba Mateo 22:37. A prepara e programa aki pa yuda cada un di nos analisa nos pensamentonan cu e meta pa haci nos manera di pensa agrada Jehova mas ainda.
2. Ki preguntanan lo haya contesta durante e programa?
2 Loke Lo Ser Analisa: Den e asamblea aki nos lo haya contesta pa nuebe pregunta, cu ta e puntonan principal di e programa:
• Con nos por evita di tin e ‘pensamento di hende’?
• Con nos por yuda kita e velo cu ta ciega mente di hende cu no ta creyente?
• Ki actitud mental nos kier tin?
• Con e tipo di meditacion corecto ta beneficia nos?
• Con nos por laga Jehova forma nos manera di pensa?
• Con esposo-, esposa-, mayor- y yiunan por contribui na e felicidad di nan famia?
• Con nos por ta prepara pa e dia di Jehova?
• Kico ta nifica faha nos mente pa actividad?
• Ki beneficio hende cu ta aplica loke nan ta siña lo haya?
3. Pakico ta importante pa nos t’ey tur dos dia, presta bon atencion y aplica loke nos siña?
3 Satanas kier corumpi nos mente y ta haci tur su esfuerso pa logra esey. (2 Cor. 11:3) Pesey nos tin cu proteha nos mente, controla nos pensamentonan, sigui refleha e mente di Cristo y rechasa e influencia di e mundo malbado aki. (1 Cor. 2:16) Pues, haci sigur pa bo t’ey tur dos dia di e asamblea di circuito y presta bon atencion. Ora nos aplica e informacion importante cu nos lo ricibi na e asamblea, esey lo yuda nos faha nos mente pa traha cu celo den sirbishi di Reino.—1 Ped. 1:13.