Nos Website Oficial—Util pa Uza den Sirbishi

Dirigi Hende na Nos Website: Tin hende no tin hopi gana di papia cu nos ni tuma nos literatura. Pero kisas nan lo kier busca informacion tocante Testigonan di Jehova riba jw.org ora nan ta nan so na cas. Pesey, si e ocasion presenta, bisa otro hende di nos website.

Contesta Pregunta: Tin biaha sea un doño di cas, un hende interesa of un conoci por haci nos pregunta tocante Testigonan di Jehova of nos creencianan. Nos por mustr’e e contesta mesora riba un computer of aparato mobil. Ta mihor pa semper lesa e textonan cita for di Bijbel mes. Si na e momento ey bo no tin acceso na Internet, splica e persona con e por haya e contesta riba jw.org.—Bay na “Enseñanzas biblícas/Preguntas sobre la Biblia” of “Sobre nosotros/Preguntas frecuentes.”

Manda un Articulo of Publicacion pa Hende Cu Bo Conoce: Bo por mail un PDF of EPUB cu bo a download for di e site como un attachment. Hasta bo por download un grabacion di un publicacion y pon’e riba un CD. Tur biaha cu bo manda un buki, foyeto of revista completo den forma electronico pa un hende cu no ta batisa, bo por cont’e como un publicacion laga. No manda informacion den forma anonimo of pa un grupo grandi di hende ni pone e informacion riba un otro website.—Bay na “Publicaciones.”

Laga Nan Mira e Ultimo Noticianan: Esaki lo yuda bo studiantenan di Bijbel y rebishitanan mira e alcance mundial di nos obra y haya un bon impresion di nos union cristian. (Sal. 133:1)—Bay na “Noticias.”

[Diagram na pagina 5]

(Pa e texto den su formato completo, wak e publicacion)

Purb’e

1 Bou di “Publicaciones”, scoge esun cu bo kier download y click riba e formato di texto of audio cu bo ta desea.

2 Ora bo click riba “MP3”, bo ta haya un lista di articulo. Click riba e tema cu bo kier download of click riba ▸ pa scuch’e online.

3 Si bo ta desea di download un publicacion na un otro idioma, busca e idioma den e lista aki.