Nos Website Oficial—Beneficioso pa Tur Hende

Hesus a duna nos e mandato pa predica e bon noticia di Reino “den henter e tera habita, como testimonio pa tur nacion.” (Mat. 24:14) Pa yuda nos ‘cumpli cu nos sirbishi cabalmente’, a cambia e diseño di nos website jw.org. E ta contene e informacion cu tabatin riba watchtower.org, jw-media.org y e jw.org bieu.—2 Tim. 4:5.

“Henter e Tera Habita”: Un tercera parti di e poblacion mundial ta uza Internet. Pa hopi hende, specialmente hobennan, Internet a bira e fuente principal di informacion. Nos site ta brinda usuarionan di Internet contestanan franco riba preguntanan biblico. E ta laga nan cera conoci cu e organisacion di Jehova y ta permiti nan pidi un estudio di Bijbel gratis facilmente. Pa medio di e website aki, e bon noticia ta yega na areanan di mundo caminda hende tin masha tiki chens di tende e mensahe di Reino.

“Tur Nacion”: Pa por predica e bon noticia na “tur nacion”, nos mester presenta e berdad biblico na diferente idioma. Pesey, riba nos site nos a pone informacion cu ta facil pa haya den mas o menos 400 idioma, mas cu cualkier otro website.

Uz’e Bon: E website jw.org, cu su diseño nobo, no ta djis un herment pa duna testimonio na hende cu no ta Testigo. E ta pa Testigonan di Jehova tambe. Si bo tin acceso na Internet, nos ta invita bo pa cera conoci cu e jw.org nobo. Akibou ta sigui algun sugerencia riba con bo por uz’e. (Nos ta uza e version Spaño como ehempel.)

[Diagram na pagina 3]

(Pa e texto den su formato completo, wak e publicacion)

Purb’e

1 Type www.jw.org/es den bo Internet browser.

2 Click riba e diferente seccion-, menu- y linknan.

3 Bishita jw.org riba cualkier aparato mobil cu bo por tin y cu tin acceso na Internet. E pagina di e site lo ahusta na e tamaño di e pantaya, pero e informacion ta keda mescos.