Uza e Website jw.org den Sirbishi: “Become Jehovah’s Friend”

Riba jw.org tin un seccion pa mucha cu yama “Become Jehovah’s Friend.” Abo a yega di uza e videonan den e seccion aki den sirbishi? Por ehempel, bo por mustra nan na un studiante di Bijbel cu tin yiu chikito. Kisas esey por dun’e gana di bay wak otro seccion di jw.org.

Ora un ruman homber a duna un señora un ehemplar di e tratado Di Berdad Hende Morto Por Bolbe Biba? (Noticia di Reino Num. 38), e señora a cuminsa les’e di biaha. E yiunan di e señora tambe tabata kier sa kico e tratado ta bisa. E ora ey, e ruman brevemente a conta nan di kico e tratado ta papia y a mustra nan e adres di nos website cu tin parti patras. Mirando cu e señora a mustra interes, e ruman a uza su smartphone pa laga nan tur wak un di e videonan di Caleb.

Un ruman muher a conta un colega cu tin yiu chikito tocante jw.org anto di e informacion cu tin riba dje pa famia. E señora a bay riba e website hunto cu su yiunan. Despues, el a conta e ruman cu na cas tur ora e yiunan ta canta “Predica!”, un di e canticanan riba nos website.

Pues lo ta bon pa nos familiarisa nos mes cu e videonan aki y download nan riba nos smartphone of tablet. Asina nos por uza nan den sirbishi. Nan ta util pa yuda nos sirbi manera esclavo pa Señor.—Echo. 20:19.