Mayornan, Uza Nos Website pa Siña Boso Yiunan
1. Kico ta e meta di e seccion “Niños” riba nos website?
1 Nos website, jw.org, ta diseña pa interesa hende di tur edad. Bou di e seccion “Niños” riba e website (bay na Enseñanzas bíblicas > Niños) tin informacion cu por yuda tanto mucha chikito como nan mayornan hala cerca di otro y di Jehova. (Deu. 6:6, 7) Con mayornan por uza e seccion aki pa siña nan yiunan?
2. Con mayornan por determina si un informacion ta pas pa nan yiu?
2 Sea Flexibel: Cada yiu ta diferente. (1 Cor. 13:11) Pues, como mayor, con bo por determina si un informacion ta pas pa bo yiu? Wel, puntra bo mes: ‘Kico lo capta atencion di mi yiu? Cuanto cos e lo compronde? Cuanto tempo e por concentra riba e informacion?’ Pa mucha di tres aña of mas chikito, mayornan por uza e relatonan bou di “Mis primeras lecciones de la Biblia.” Algun famia ta uza e relatonan biblico cu tin “De padres a hijos.” Pero, ta bon pa bo wak e siguiente opcionnan tambe.
3. Con mayornan por uza e relato- y actividadnan cu tin bou di e seccion “Ideas para la adoración en familia”?
3 Hacie un Proyecto: E seccion “Ideas para la adoración en familia” tin sugerencianan practico pa yuda mayornan studia cu nan yiunan. Pa haya sa con por uza e relato- y actividadnan di e seccion aki, click riba “Descargar” y lesa e “Guía para los padres.” Por ehempel, na “Actividad ilustrada”, mayornan por haya paginanan pa kleur cu ta ideal pa siña e yiunan mas chikito. E “Proyecto de investigación” ta un actividad cu mayornan por yuda nan yiunan mas grandi completa. Como cu tur e actividadnan cu tin riba e pagina “Guía para los padres” ta coresponde cu e mesun relato of les di Bijbel, tur yiu, sin importa nan edad, tin e oportunidad di participa den e mesun proyecto durante e adoracion como famia.
4. Kico nos por haya bou di e seccion “Hazte amigo de Jehová”?
4 Yuda Nan Bira Amigo di Jehova: E video-, cantica- y actividadnan bou di e seccion “Hazte amigo de Jehová” ta yuda mayornan siña nan yiunan chikito e Palabra di Dios. (Deu. 31:12) Cada un di e videonan cortico aki ta siña e muchanan lesnan importante. Y e weganan riba e pagina di “Actividades”, manera ‘busca y haya’, ta yuda nan compronde e balor di e lesnan ey. Como cu mucha gusta canta—y cantica ta yuda nan keda corda loke nan a siña—cada tanto tempo ta pone cantica di Reino y cantica special pa mucha riba nos website.
5. Dicon mayornan mester pidi Jehova yudansa pa siña nan yiunan e berdad?
5 Mayornan, Jehova kier pa boso ta un bon tata y un bon mama pa boso yiunan. Pues pidie yuda boso siña boso yiunan e berdad. (Hues. 13:8) Cu Jehova su yudansa, boso por educa boso yiunan pa bira “sabi pa salbacion mediante fe den Cristo Hesus.”—2 Tim. 3:15; Prov. 4:1-4.