Algun Sugerencia

Pa Cuminsa Estudio di Bijbel Riba e Prome Diasabra di Juni

“Aunke casi tur hende ta desea paz mundial, toch tin guera. Segun bo, dicon ta asina dificil pa logra paz mundial?” Permiti e persona contesta. Mustr’e e articulo parti patras di E Toren di Vigilancia di 1 di juni. Trata e informacion bou di e prome pregunta y lesa maske ta un di e textonan cu ne. Ofrec’e e revista y traha un afspraak pa trata e siguiente pregunta.

Nota: Tene un demostracion di e sugerencia aki na e reunion di sirbishi di veld di 1 di juni.

E Toren di Vigilancia 1 di Juni

“Nos ta bishitando bo awe pa papia brevemente tocante un problema cu ta hopi comun. Mayoria di hende a yega di bira victima di prehuicio. Bo ta kere cu tin un luga na mundo caminda no tin prehuicio? [Permiti e persona contesta.] Tuma nota di e manera cu Dios ta mira hende. [Lesa Echonan 10:34.] E revista aki ta splica con Dios lo caba cu prehuicio di unabes y pa semper.”

¡Despertad! Juni

“Nos ta desea di sa bo opinion riba e siguiente punto. Aunke ta natural pa hende desea un mihor manera di biba, bo ta kere cu nos por logra esaki cumprando mas cos material? [Permiti e persona contesta.] Pensa un rato riba e siguiente palabranan di Hesus. [Lesa Lucas 12:15.] E revista aki ta trece un punto di bista balansa padilanti tocante cos material y ta duna algun sugerencia practico cu por yuda nos controla e manera cu nos ta gasta nos placa.”