Algun Sugerencia

Pa Cuminsa Estudio di Bijbel Riba e Prome Diasabra di Juni

“Nos ta haciendo un bishita breve pa papia riba e pregunta interesante aki. [Mustra e persona e prome pregunta parti patras di E Toren di Vigilancia di 1 di juni.] Kico bo ta pensa?” Permiti e persona contesta. Trata e informacion di e prome pregunta y lesa por lo menos un di e textonan cu ne. Ofrec’e e revista y traha un afspraak pa trata e siguiente pregunta.

E Toren di Vigilancia 1 di Juni

“Humamento ta mata rond di 6 miyon hende pa aña. Bo ta kere tin algo cu hende por haci pa para e epidemia aki? [Permiti e persona contesta.] Hopi hende a dicidi di stop of keda leu for di humamento ora nan a haya sa Dios su punto di bista tocante esey. Por ehempel, e texto di Bijbel aki a yuda algun hende para keto y pensa con nan habito ta afecta otro hende. [Lesa 1 Corintionan 10:24.] E revista aki ta splica cu ora un hende haya sa con Dios ta mira humamento, esey por motiv’e pa e stop di huma.”

¡Despertad! Juni

“Awendia rednan social a haci posibel cu hende tin mas tanto supuesto amigo cu nunca prome. Segun abo, kico ta e cualidad di mas importante cu un berdadero amigo mester tin? [Permiti e persona contesta.] Wak un ehempel aki di e consehonan practico cu Bijbel ta duna encuanto amistad. [Lesa Santiago 1:19.] E revista aki ta trata cuater principio cu por yuda nos ser e clase di amigo cu otro hende kier tin.”