Algun Sugerencia

Pa Cuminsa Estudio di Bijbel Riba e Prome Diasabra di Mei

“Nos ta haci un bishita breve pa trata e pregunta interesante aki. [Mustra e persona e prome pregunta parti patras di E Toren di Vigilancia di 1 di mei.] Kico bo ta pensa di esaki?” Permiti e persona contesta. Trata e informacion di e prome pregunta y lesa por lo menos un di e textonan cu ne. Ofrec’e e revista y traha un afspraak pa trata e siguiente pregunta.

E Toren di Vigilancia 1 di Mei

“Nos ta bishita bo un rato asina pasobra nos a ripara cu hopi hende kier sa kico futuro lo trece cu ne. Kico abo ta pensa di futuro? Bo ta mir’e cu confianza of e ta preocupa bo? [Permiti e persona contesta. Despues, lesa un di e textonan for di e cuadro “Loke Dios A Revela Tocante Futuro.”] E revista aki ta menciona algun di e cosnan cu Dios ta bisa lo sosode, y e ta splica dicon nos por ta sigur cu nan lo pasa.”

¡Despertad! Mei

“Nos ta papia un rato asina cu hende encuanto con pa trata cu stress. Abo ta haya cu hende awendia tin mas stress cu antes? [Permiti e persona contesta.] E consehonan practico cu tin den Bijbel a yuda hopi hende siña con pa trata cu stress. Ata aki un ehempel. [Lesa Mateo 6:34.] E revista aki ta splica con principionan di Bijbel por yuda nos trata cu cuater cos hopi comun cu ta causa stress.”

Nota: E edicion aki por ta di interes pa hende cu tin negoshi.