Algun Sugerencia

Pa Cuminsa Estudio di Bijbel Riba e Prome Diasabra di Juli

“Casi tur hende ta desea un bida largo y feliz. Abo ta kere cu un dia ciencia y medicina lo por logra esey? [Permiti e persona contesta.] Tuma nota di loke e revista aki ta bisa.” Mustr’e e articulo parti patras di E Toren di Vigilancia di 1 di juli. Trata e informacion bou di e prome pregunta y lesa maske ta un di e textonan cu ne. Ofrec’e e revista y traha un afspraak pa trata e siguiente pregunta.

Nota: Tene un demostracion di e sugerencia aki na e reunion di sirbishi di veld di 6 di juli.

E Toren di Vigilancia 1 di Juli

“Mayoria di hende ta bisa nos cu nan tin nan mes religion. Pero otronan ta bisa cu nan a perde confianza den religion. Kico abo ta pensa di religion? [Permiti e persona contesta.] Hesus a bisa kico nos tin cu tene cuenta cu ne ora nos ta analisa religion. [Lesa Lucas 6:44a.] E revista aki ta trata e mal fruta, esta e mal caracteristicanan cu religion a produci. Y tambe e ta contesta e pregunta aki: Tin un religion cu ta digno di confianza?”

¡Despertad! Juli

“Nos ta bishitando nos bisiñanan pa papia tocante un problema cu ta preocupa hopi hende, esta, inhusticia. Tin hende cu ta bringa contra inhusticia pa medio di accionnan di protesta. Bo ta kere cu esaki ta e solucion? [Permiti e persona contesta.] Bijbel ta bisa nos cua ta e unico solucion pa inhusticia. [Lesa Mateo 6:9, 10.] E revista aki ta contesta e pregunta: ‘Protesta ta e solucion?’”

Dios Tin Bon Noticia pa Nos!

“Awe nos kier comparti un mensahe positivo di Bijbel cu bo. Hopi hende ta puntra nan mes dicon un Dios di amor ta permiti tanto sufrimento. Bo ta kere cu el a pone nos na mundo pa sufri?” Permiti e persona contesta. Despues bay na les 5, lesa y trata e prome dos paragrafnan y e textonan skirbi cu letter schuin. Ofrec’e e foyeto y traha un afspraak pa trata e siguiente pregunta skirbi cu letter diki.