Algun Sugerencia

Pa Cuminsa Estudio di Bijbel Riba e Prome Diasabra di Juli

“Kico bo ta kere Dios ta pensa di nos oracionnan? E ta haya cu nan ta importante of e ta djis tende nan so, anto ta cla?” Permiti e persona contesta. Despues, mustr’e e articulo parti patras di E Toren di Vigilancia di 1 di juli y trata e informacion di e prome pregunta y lesa por lo menos un di e textonan cu ne. Ofrec’e e revista y traha un afspraak pa trata e siguiente pregunta.

E Toren di Vigilancia 1 di Juli

“Como cu Dios ta todopoderoso, bo ta kere cu ta e ta culpabel di tur e cosnan malo cu ta pasa den mundo? [Permiti e persona contesta. Despues lesa Santiago 1:13.] E revista aki lo splica dicon cosnan malo ta pasa y kico Dios lo haci pa caba cu maldad y sufrimento.”

¡Despertad! Juli

“Tardi of trempan, casi tur hende ta haya nan confronta cu algo cu ta causa tristeza, manera un desaster natural, maleza grave of morto di un ser keri. Ora algo asina pasa, bo ta kere cu ta importante pa keda positivo? [Permiti e persona contesta.] Hopi hende a ripara cu Bijbel por yuda nan trata cu tragedia. [Lesa Romanonan 15:4.] E revista aki ta splica con Bijbel por yuda nos den un situacion asina.”