Algun Sugerencia

Noticia di Reino Num. 38

“Mi ta participando den un campaña mundial pa parti e mensahe importante aki. Ata bo ehemplar aki.”

Nota: Pa por cubri tur e teritorionan, nos presentacion mester ta cortico. Por sosode cu un persona ta mustra interes den e informacion y kier sa mas. Den e caso ey, nos por puntr’e kico e ta pensa tocante e tema y lesa Echonan 24:15 for di e tratado. Si tempo permiti, analisa un porcion di e contenido di e tratado. Prome cu bo bay, mustr’e e pregunta cu tin parti patras bou di “Algo pa Pensa Ariba” y traha un afspraak pa sigui cu e combersacion.

E Toren di Vigilancia 1 di December

“Awendia hende ta asina druk cu apenas nan tin tempo pa pensa riba Dios. Abo ta kere cu nos tin mester di Dios? [Permiti e persona contesta.] Den e Sermon Riba Sero cu Hesus a duna, el a bisa cu pa nos ta berdaderamente feliz, nos tin mester di Dios. [Lesa Mateo 5:3.] E revista aki ta trata tres motibo pakico nos mester di Dios.”

¡Despertad! December

“Hopi di nos ta forma nos opinion a base di loke nos a tende of lesa den medionan di comunicacion. Abo ta kere cu tur e noticianan ey ta corecto y confiabel? [Permiti e persona contesta.] Bijbel ta spierta nos pa no kere tur cos cu nos ta tende. [Lesa Job 12:11.] E revista aki ta duna algun sugerencia cu ta yuda nos averigua si loke nos ta tende y lesa ta confiabel.”