Algun Sugerencia

Pa Cuminsa Estudio di Bijbel Riba e Prome Diasabra di December

“Combersando cu varios persona nos a ripara cu hopi mayor kier pa nan yiunan stima Dios. Bo ta kere cu esaki ta algo cu mayornan por siña nan yiunan, of bo ta kere cu yiunan mester siña stima Dios riba nan mes?” Permiti e persona contesta. Mustr’e e articulo parti patras di E Toren di Vigilancia di 1 di december, trata e informacion bou di e prome pregunta y lesa por lo menos un di e textonan cu ne. Ofrec’e e revistanan y traha un afspraak pa trata e siguiente pregunta.

E Toren di Vigilancia 1 di December

“Nos ta haci un bishita breve pa papia tocante Dios. Nos sa cu cada hende tin nan opinion tocante Dios. Bo ta kere cu mayoria di hende ta mira Dios como un forsa impersonal of como un amigo cu ta preocupa pa cada un di nos? [Permiti e persona contesta.] E texto aki di Bijbel ta bisa nos ki clase di relacion Dios kier pa nos tin cu ne. [Lesa Santiago 4:8a.] E revista aki ta menciona tres cos cu nos por haci pa nos por sinti nos mes mas cerca Dios.”

¡Despertad! December

“Nos ta haciendo un bishita breve awe pasobra nos ta preocupa cu un problema comun di salud. Segun e Organisacion Mundial di Salud, problemanan di salud mental, manera depresion, lo afecta un di cada cuater persona na un dado momento den nan bida. Bo ta haya cu problemanan mental ta birando cada bes mas comun? [Permiti e persona contesta.] Bijbel ta duna nos e speransa cu den futuro bida riba Tera lo ta sin maleza y dolor. [Lesa Revelacion 21:3, 4.] E revista aki ta splica algun cos cu tur hende mester sa tocante problemanan di salud mental.”