Un Video Nobo pa Cuminsa Estudio di Bijbel

Riba jw.org tin un video titula Dicon Analisa Loke Bijbel Ta Bisa? cu ta alcansando un gran cantidad di hende. Su meta ta pa anima hende interesa acepta un curso di Bijbel gratis. Pa haya acceso na e video aki, bay na final di e pagina inicial y scoge “Pidi un Curso di Bijbel” of scan e codigo QR (quick responce) cu tin parti patras di nos tratadonan nobo. Laga nos wak algun manera cu nos por uza e video aki.

• Ora di haci rebishita, bo por puntra e persona: “Mi por mustra bo un video cortico cu ta splica con Bijbel por contesta e preguntanan cu bo tin tocante bida?” Si e bay di acuerdo, mustr’e e video riba bo aparato mobil of riba su computer.

• Si nos laga un di e tratadonan nobo ora nos ta predica informalmente of na luganan publico, probecha mustra e persona e codigo QR y anim’e pa scan esaki cu su aparato mobil. Den hopi idioma e codigo QR ta hiba bo directo na e video riba nos website di manera cu bo por wak e video riba bo aparato mobil.

• Conta bo coleganan di trabou, compañeronan di scol, famia- y conocinan tocante e video. Y bisa nan cu bo tin gana di mustra nan e video. Of manda e link di e video pa nan y anima nan pa wak e.

Nos lo por cuminsa mas estudio di Bijbel si nos uza e provision nobo aki. Di e forma ey, nos por yuda tur hende cu ta “dispuesto pa acepta e berdad cu ta hiba na bida eterno” busca e caminda di Dios.—Echo. 13:48.