Con pa Mehora Nos Sirbishi: Pone Fundeshi pa Haci Rebishita

Dicon Esey Ta Importante: Ora nos haya un persona cu mustra interes, nos kier bolbe bishit’e ora e ta na cas pa asina nos muha e simia di e berdad cu nos a planta. (1 Cor. 3:6) Pa nos por haci esaki, prome cu nos bay, nos por puntra e doño di cas ki dia nos por bolbe, y asina pone fundeshi pa haci e rebishita. Ademas, ta bon pa laga un pregunta cu nos lo contesta na nos siguiente bishita. Esaki lo laga e persona keda pendiente pa e bishita, y si nos indica cu den e publicacion cu nos a ofrec’e e por haya contesta pa e pregunta, e chens ta grandi cu e lo les’e. Tambe, si nos pone un fundeshi di antemano, ta bira mas facil pa haci e rebishita pasobra nos a palabra caba ki topico nos ta bay trata y e persona sa tocante kico nos lo papia. Na nos siguiente bishita, nos por splic’e cu nos a bin pa contesta e pregunta cu nos a haci ultimo biaha anto sigui cu e combersacion.