NOS BIDA CRISTIAN
Con pa Mehora Bo Sirbishi: Pone Fundeshi pa Haci Rebishita
DICON ESAKI TA IMPORTANTE:
Ta claro cu nos lo kier muha e simianan di e berdad cu nos planta. (1Co 3:6) Pesey, ora nos haya un persona cu mustra interes, ta bon pa nos hacie un pregunta cu nos por trata durante e siguiente combersacion. Esaki lo lanta e persona su interes y yuda nos prepara pa e rebishita. Ora nos bay bek, nos por bis’e cu nos a bin pa contesta e pregunta cu nos a laga pendiente e ultimo biaha cu nos a papia cu ne.
CON PA HACI ESEY:
Ora bo ta prepara bo presentacion pa bay di cas pa cas, pensa tambe riba un pregunta cu lo bo kier contesta na e siguiente bishita. Bo por scoge un pregunta cu ta ser contesta den e publicacion cu bo ta bay ofrece. Of e por ta un pregunta cu ta ser contesta den un di nos publicacionnan di estudio cu bo tin plania pa ofrece na bo siguiente bishita.
Na final di bo combersacion cu e persona interesa, lag’e sa cu lo bo tin gana di combersa cu ne atrobe, anto hacie e pregunta cu bo kier contesta na e siguiente bishita. Si e persona no tin nada contra, tuma su datonan.
Si boso a palabra un ora specifico pa bo bolbe, cumpli cu bo palabra.—Mat 5:37.