“E Palabranan Aki ... Mester Ta Riba Bo Curason”

Nos por compara mayornan cu wardador di carne. Mescos cu wardador ta cuida nan carne, mayornan ta cuida nan yiunan pa nan no desvia y sufri daño. (Prov. 27:23) Con mayornan por cumpli cu e tarea aki? Ta masha importante pa tur dia nan pasa tempo cu nan yiunan pa haya sa kico tin den nan mente y curason. (Prov. 20:5) Tambe, mayornan mester fortalece e fe di nan yiunan pa asina nan por keda firme bou di prueba. (1 Cor. 3:10-15) E video “These Words ... Must Be on Your Heart” ta enfatisa e importancia di tene Adoracion Como Famia tur siman. Wak e video cu bo famia y analisa e siguiente preguntanan hunto.

(1) Dicon bida di famia Roman no tabata draai rond di cosnan spiritual? (2) Dicon cos no a bay bon e prome biaha cu famia Roman a tene nan Adoracion Como Famia? (3) Segun Bijbel, con ta e mihor manera pa lanta yiu? (Deu. 6:6, 7) (4) Kico por yuda un famia pa nan por comunica mihor cu otro? (5) Ki sacrificionan mayornan tin cu haci pa e bienestar di nan yiunan? (6) Con famia Barrow a yuda famia Roman? (Prov. 27:17) (7) Con un tata mester prepara pa asina nan Adoracion Como Famia por bay bon? (8) Kico Ruman Thomas a haci pa mehora nan Adoracion Como Famia? (9) Dicon Adoracion Como Famia mester ta regular? (Efe. 6:4) (10) Menciona algun sugerencia pa Adoracion Como Famia. (11) Dicon tabata importante cu Ruman Thomas a papia firme pero na un manera calmo cu su yiu Marcus encuanto e importancia di haci loke ta corecto? (Jer. 17:9) (12) Con e mayornan di Rebecca a yud’e tuma e decision corecto encuanto Justin? (Mar. 12:30; 2 Tim. 2:22) (13) Dicon nos por bisa cu Ruman Thomas y su casa a demostra fe ora nan a simplifica nan bida? (Mat. 6:33) (14) Con e video aki ta yuda cabesnan di famia mira e necesidad di percura pa nan famia den sentido spiritual? (1 Tim. 5:8) (15) Kico cabesnan di famia mester ta determina pa haci?

NOTA PA CABESNAN DI FAMIA: Ora cu a presenta e drama moderno aki na e congreso regional di 2011, bo a ripara cu bo mester a mehora bo Adoracion Como Famia? Awor, despues di a wak e video, tin areanan den cua abo lo tin cu mehora? Pidi Jehova yuda bo haci e cambionan necesario pa bo famia por haya bida eterno.—Efe. 5:15-17.